ҚазҰМУ-да Жаңа Жылды қарсы алу кеші өтті
Жылдағы қалыптасқан дәстүр бойынша 2017 жылдың 27 желтоқсан күні С.Ж.Асфендияров атындағы Қазақ Ұлттық медицина университетінің Жергілікті жұмысшылар кәсіподағы және Жастар саясаты басқармасының ұйымдастыруымен жалпы ұжым қызметкерлері мен студенттеріне арналған жаңа жылдық концерт және фуршет өткізілді.
Мерекелік концерт басында университет ректоры Т.С.Нурғожин және академик Т.Ш.Шарманов ұжымды алда келе жатқан Жаңа жыл мерекесімен құттықтады. Концертті ұйымдастырушылармен бірігіп «Жалпы медицина», «Стоматология», «Фармация және фармацевтикалық өндіріс технологиясы» мектептері және «Халықаралық медицина» факультеті еліміздің танымал эстрада әншілерін шақырып, ұжымды мерекемен құттықтады.
Атап айтқанда, ҚР халық әртісі Нағима Есқалиева, ҚР Қарулы күштер Ұлттық әскери-патриоттық орталығының солисті Жақсылық Гүлзина, Алтынбек Тәшімбетов, «Бақай» тобы, «Ағайындылар» тобы, «Fiesta» шоу балет, университет түлегі Месов Олжас өз өнерлерін көрсетті. Сондай-ақ, Университеттің Студенттік үкіметі атынан «Сoncordia» хореографиялық би тобы және ҚазҰМУ Білім алушылар кәсіподағы атынан «Базар жоқ» театрының әртісі Асқар Кемекбаев қатысты. Жаңа жылдық мерекелік іс-шараны танымал актерлер Жұмабаев Ақберген, Мақаш Жанар жүргізді. «Сoncordia» театрында мерекелік концерт аяқталысымен ұжым қызметкерлері университет асханасында мерекеге орай ұйымдастырылған фуршет дастарханына өтті. Мерекелік дастархан басында да университет ректоры Т.С.Нурғожин оқытушылар мен қызметкерлерге жаңа жылдық игі тілегін білдірді. Осы жерде де, мектептер мен құрылымдық бөлімдердің қызметкерлері мен оқытушылары концертттік номерлер ұсынды. Атап өтетін болсақ, Стоматология факультетінен Балалар жасындағы стоматология кафедрасының профессоры А.Д.Мамеков, интернатура студенті А.Балқан,
Эксплуатациялық жұмыстар жөніндегі департамент атынан Л.А.Кадыров фано аспабында, Жастар саясаты басқармасынан шығармашылық топ қызметкерлері А.Ш.Джумабаев, Е.Мырзалиев қобыз, домбыра аспабында, Халықаралық медицина факультетінің мектеп қызметкерлері Г.М.Мухамедиева, Б.М.Тулегенова, А.Алтыхай, М.Ю.Аблизова үнді биін билеп, өз өнерлерін ортаға салды. Осы жоғарыда аталған мектептер мен құрылымдарды ерекше атап өтуге болады. Мұның өзі ұжым арасында ұйымшылдықты, мәдениеттілікті, сыйластықты білдіреді.
Мерекелік дастархан ортасында Аяз Ата, Ақшақар және жаңа жылдың иесі Ит барша қауымды жаңа жылмен құттықтап, ойындар мен байқаулар ұйымдастырды. Ойын жеңімпаздары мен белсенді қатысушыларға ҚазҰМУ Жергілікті жұмысшылар кәсіподағы атынан сыйлықтар табысталды. Осылайша ҚазҰМУ ұжымы келе жатқан 2018 жаңа жылды көңілді күймен қарсы алды. Барша ұжымға жаңа жылда жаңа табыстарға жете берулеріне, бұдан да әрі жоғары ұйымшылдық пен белсенділік танытып, аман-сау болуларына тілектестік білдіреміз. Келе жатқан Жаңа жылдарыңыз құтты болсын ағайын.
