ҚазҰМУ-да «Ұлт денсаулығы табысты болашағымыздың негізі» атты Республикалық ғылыми-тәжірибелік студенттік конференциясы өтті
2017 жылдың 16-17 қараша күндері С.Ж. Асфендияров атындағы ҚазҰМУ, КазМСА-ҚазҰМУ Жергілікті комитетінің ұйымдастыруымен, Жастар саясаты басқармасының қолдауымен және шетел студенттерінің қатысуымен ҚазҰМУ-нің 87-жылдығына арналған «Ұлт денсаулығы табысты болашағымыздың негізі» атты Республикалық ғылыми-тәжірибелік конференциясы өткізілді.
Конференция барысында, Қазақстан Республикасының 9 медициналық жоғарғы оқу орындарынан, Қырғыстан мемлекетінен студенттер тәжірибелік сабақтарға қатысты. Әрбір жоғарғы оқу орындарының КазМСА Жергілікті комитет Директорлары құттықтау сөздерін айтып, ризашылық білдіріп, алдағы уақытта медицинаның дамуына үлес қосатын Қазақстан жастарына сенімін білдірді.
Конференцияның ашылу салтанаты С.Ж Асфендияров атындағы ҚазҰМУ-дың Стратегиялық және корпоративтік даму жөніндегі проректоры У.М.Датхаевтың, сондай-ақ, университет әкімшілігі қызметкерлері мен оқытушы профессорлық құрамның алғы сөзімен басталды.
Ғылыми конференцияның бірінші күні, 17 қараша 2017 жылы «Медициналық ғылымдар» атты бағытта өтті. Аталған бағыт бойынша 45- баяндама оқылды. Әр баяндама медицинаға жаналық енгізерліктей қызықты болды. Пленарлық оқулардағы ғылыми жұмыстарын университетіміздің жоғары санатты оқытушылары мен медицина ғылымының кандидаттары бағалады. Таласта тартысты болған конференцияда, қатысушылар арасында сұрақтар қойылды.
Ең негізгі қызықты сәттердің кезі түскі ас мезгілі. Себебі, қатысушыларды ең керемет тосын сый күтті. Тосын сый КазМСА ұйымының бақылау кеңесінің мүшесі Нарзулла Надир ұйымдастырған «MedTalks» болды. «MedTalks»-та қаламыздың Қымбат Байсекен, Аким Хазыреталіұлы секілді ең үздік спикерлер сөз сөйледі. Олар өздерінің тәжірибесімен бөлісіп, медицина жастарын білікті маман болуға ынталандырды.
Сонымен қатар, университет бойынша экскурсия жүргізіліп, ҚазҰМУ тарихи мұражайымен таныстырылды.
Конференцияның екінші күні, 17 қараша 2016 жылы, медициналық білім мен дағдыны арттыратын мастер класстар өткізілді. Тәжірибелік дағдылар орталығында өткізілген тренингтер, ұжыммен жұмыс істеуді үйретіп, өз ойымен бөлісуге мүмкіндіктерін берді. Сонымен қатар Коммуникативтік дағдылар кафедрасының профессоры М.А.Асимовтың «Өзіңді өзің басқар» атты тренингі өтті.
Конференцияның қорытындылау кешінде «Concordia» театрында концерттік бағдарламалар мен ғылыми жұмыстардың нәтижесі бойынша секциялар бойынша үздік баяндамалар марапатталып, бағалы сыйлықтар табысталды. Конференцияның негізгі демеушісі ҚазҰМУ білім алушылар кәсіподақ ұйымы болғанын айта кеткен жөн. Бұндай конференциялар ақпарат және тәжірибе алмасудың тиімді алаңы ғана емес, бұл Университетіміздің де беделін, дәстүрін байытатыны сөзсіз.
