ҚазҰМУ-дың «Коммуникативтік дағдылар» кафедрасының Қазақстан Республикасы Ұлттық ұланының жеке құрамын даярлауға қосқан үлесі
2025 жылғы 27 наурызда С.Д. Асфендияров атындағы Қазақ Ұлттық Медицина Университетінің «Коммуникативтік дағдылар» кафедрасының оқытушылары Қазақстан Республикасы Ұлттық ұланының Кеңес Одағының Батыры, гвардия полковнигі Бауыржан Момышұлы атындағы №5571 әскери бөлімінің жеке құрамына психопрофилактикалық оқыту өткізді.
Оқыту барысында интерактивті тренингтер ұйымдастырылып, практикалық мысалдар келтірілді және жеке құрамның далалық жағдайда командалық әрі жеке жұмыс жүргізу дағдыларын қалыптастыруға бағытталған әдістер мен құралдар меңгерілді. Сонымен қатар жеке құрамның қызметтік-жауынгерлік міндеттерді атқару барысындағы психологиялық дайындық пен стресс тұрақтылығын арттыруға ерекше көңіл бөлінді.
Іс-шара жоғары әдістемелік деңгейде өтті және Қазақстан Республикасы Ұлттық ұланының әскери қызметшілеріне қойылған міндеттердің тиімді орындалуын арттыруға бағытталды.
