ҚазҰМУ-дың Оқушылар сарайындағы кәсіби бағдар беру бойынша форумы

2017 жылдың 24 ақпанында Оқушылар сарайында ҚР жетекші ЖОО-ның қатысуымен Алматы қаласы Алмалы және Медеу аудандарының жалпы білім беру мектептерінің жоғарғы сынып оқушыларына арналған Республикалық «Современное образование» журналының редакциясы мен Алматы қаласы білім беру басқармасының ұйымдастырумен оқу орындарының көрмесі және кәсіби бағдар беру бойынша форум өтті.

Университеттің Республикалық «Современное образование» журналының редакциясымен бірлескен жұмысы шеңберінде Қабылдау, кәсіби бағдар беру, студенттерді дамыту және бітірушілерді жұмыспен қамту басқармасының қызметкері Абжанова К.К., «Жалпы медицина» факультетінің өкілі – «Балалар аурулары» кафедрасының ассистенті Адилбекова И.М., «Қоғамдық денсаулық сақтау» факультетінің өкілі – «Эпидемиология АИТВ-инфекциясы және инфекциялық бақылау курсымен»  кафедрасының доценті Алимханова Қ.Н., «Фармация және фармацевтикалық өндіріс технологиясы» факультеті деканының орынбасары Келимханова С.Е., Студенттік үкімет төрағасы Ж.Солтанай аталған іс-шараға қатысып, Алматы қаласының Алмалы және Медеу аудандарының жалпы білім беру мектептерінің жоғарғы сынып оқушылары арасында кәсіби бағдар беру жұмысын жүргізді.

ЖОО көрмесінде кәсіби бағдар беру форумының қатысушыларына маман дайындау бағыттары, ҚазҰМУ-ге құжат тапсыру ережелері және оқуға түсу туралы кеңестер беріліп, Университет жайлы ақпараттық материалдар таратылды. Іс-шара бағдарламасына сәйкес, оқушыларда Университет қызметкерлері мен оқытушыларынан факультеттер мен мамандықтар туралы толық ақпарат алып, оларға өздерін қызықтыратын, толғандыратын сұрақтарын қойып, толыққанды жауап алуға мүмкіндіктер болды.

Қабылдау, кәсіби бағдар беру, студенттерді дамыту және бітірушілерді жұмыспен қамту басқармасы