ҚазҰМУ зертханасы аттестациядан өтті

03.06.2022 | просмотров: 894

Санжар Асфендияров атындағы Қазақ ұлттық медицина университеті Фармация мектебінің студенттерінің қолданысындағы зертхана аттестаттаудан өтті.

Мамандар Б. Атчабаров атындағы іргелі және қолданбалы медицина ҒЗИ химия және фармакогнозия ғылыми-практикалық бақылау-талдау зертханасы фармацевтикалық субстанциялардың, дәрілік заттардың және дәрілік өсімдік шикізатының сапасын бақылау саласындағы сынақтарды орындау үшін қажетті жағдайлары бар екенін растады.

Берілген сертификат үш жылға жарамды – деп атап өтті Б.Атчабаров атындағы іргелі және қолданбалы медицина ҒЗИ директоры Тимур Салиев.

«Тексеру бірталай уақыт жүргізілді – бір жылдың ішінде ауқымды жұмыстар атқарылды. Алынған сертификат зертхананың мүмкіндіктерін айтарлықтай кеңейтеді. Енді студенттерді оқытумен қатар, кәсіби ұйымдар үшін жұмыс істеуге, коммерциялық зерттеулер жүргізуге мүмкіндік бар», – деді ол.

Зертхана құрамында өсімдіктермен жұмыс істеу және сақтау үшін қажетті температураны ұстап тұруға арналған бірегей термостаттар, 3000 градусқа дейін температураны ұстап тұруға мүмкіндік беретін құрғақ пеш, ерігіштігі мен қаттылығын сынағыштар, спиртті айдауға арналған аспаптар және басқа да қажетті аспаптар бар. Сонымен қатар, спектрофотометрлер, рефрактометрлер және рН өлшегіштер, сонымен қатар заманауи сорғыш шкаф бар.

«Мұнда ҚазҰМУ Фармация мектебінің студенттеріне сабақтар өткізіліп, олар дипломдық жұмыстарын жазады. Бір күнде зертхананы он топтан тұратын жүз адамға дейін пайдаланады. Зертхананың жабдықталуы өсімдіктерден эфир майлары сияқты белсенді заттарды алуға мүмкіндік береді. Осылайша олар өнеркәсіпте және ғылыми зерттеулерде жұмыс істеу үшін практикалық тәжірибе жинайды», – деді Б.Атчабаров атындағы іргелі және қолданбалы медицина ҒЗИ химия және фармакогнозия ғылыми-практикалық бақылау-талдау зертханасының меңгерушісі Бахтияр Мынбаев.

Б.Атчабаров атындағы іргелі және қолданбалы медицина ҒЗИ құрамында химия және фармакогнозия зертханаларын қоса алғанда, төрт зертхана бар. Бұл сонымен қатар геномдық зертхана (ұжымдық қолданудағы орталық зертхана), эксперименттік медицина зертханасы және биологиялық белсенді қоспаларды зерттейтін зертхана. Жақында ҚазҰМУ геномдық зертханасы маңызды жаңартудан өтіп, жаңа жабдықтармен жабдықталды.