ҚАЗҰМУ РЕКТОРЫ АЙҚАН АҚАНОВТЫҢ НАУРЫЗ МЕЙРАМЫМЕН ҚҰТТЫҚТАУ СӨЗІ
Көктем мейрамы әз-Наурызбен құттықтауымды қабыл алыңыздар!
Наурыздың көне әрі дана дәстүрлерін 24 жыл бұрын біз қайта жаңғырттық. Сөйтіп жаңа жылды қарсы алудың, бір бірімізбен көрісіп, бақ-береке тілеудің тағы бір мүмкіндігіне қол жеткіздік.Ғасырлар бойы жалғасып келе жатқан Наурыз мейрамы әрбіріміздің жаңа бастамамыздың жүзеге асуына үміт пен сенім ұялатады. Бұл мейрам 5 мың жыл бойы бірлікті, бауырластықты, төзімділік пен тұрақтылықты бейнелей отырып тойлануда. Бұл біздің үлкен жетістігіміз. Наурыз мейрамы ұлтқа, мәдениетке, дінге бөлінуді қабылдамайды. Біздің университетімізде әлемнің 17 елінің 34 ұлтының студенттері білім алады және бәріміз үлкен бір медицина отбасы болып табыламыз, біздің құндылығымыз да ортақ, мақсатымыз да ортақ. Біз бірге қызмет істейміз, бірге оқимыз және қойған мақсатымызға бірге қол жеткіземіз.
Қымбатты достар!
Наурыз – бұл тек көктемнің келу мерекесі ғана емес, өмірдің негізі –мәңгі жаңару және мәңгі жақсылыққа сену екендігінің дәлелі. Біз өткен күнді қорытындылап, жаңа жоспар құрамыз. Біз көп нәрсеге қол жеткіздік. Мол еңбек атқарылды, енді алдымызда жаңа жоспарлар мен жаңа міндеттер бар. Бәрі біздің қолымызда!
Сізге, отбасыларыңызға және жақындарыңызға жақсылық, денсаулық,қуаныш пен сәттілік тілеймін. Күткен сенім-үміттеріңіз орындалсын.
Наурыз мейрамы құтты болсын! Ақ мол болсын!
Құрметпен, Айқан Ақанов
