ҚАЗҰМУ РЕКТОРЫ НҰРҒОЖИН ТАЛҒАТ СЕЙІТЖАНҰЛЫНЫҢ НАУРЫЗ МЕЙРАМЫМЕН ҚҰТТЫҚТАУЫ
Қымбатты әріптестер, құрметті студенттер, баршаңызды жаңару мен жасампаздықтың, жақсылықтың жаршысы Ұлыстың Ұлы күні – Наурыз мейрамымен шын жүректен құттықтаймын!
Бұл күндері бізде ата-бабаларымыз сияқты табиғат пен адамның жаңа өмірінің бастауын айшықтайтайтын нағыз Жаңа жылдың бастауына шаттанамыз. Наурыз – бұл тек шаттыққа толы мейрам емес, сонымен қатар, өткен жылды қорытындылап, болашаққа нық сеніммен жаңа міндеттерге ұмтылуға зор мүмкіндік.
Соңғы екі жыл ішінде бүкіл әлем мен Қазақстан COVID-19 пандемиясына байланысты Наурыз мейрамын қатаң карантин жағдайында тойлаған болатын. Ал медицина қызметкерлері науқастардың денсаулығы үшін аянбай еңбек етіп, Ұлыс мерекесін жақындары мен туыстарымен бірге атап өту мүмкіндігін құрбан етті. Сіздердің еңбектеріңіз бен нағыз ерліктеріңіз нәтижесіз қалмады. Соның арқасында биыл бүкіл ел Наурыз мейрамын қатаң шектеусіз тойлай алады. Коронавирусты жаңадан жұқтырғандардың саны күрт төмендеп, үкімет тарапынан карантиндік шектеулер біртіндеп алынуда.
Бұл Сіздермен біздің еңбегіміздің ең елеулі нәтижесі. Білім ордамыз С.Ж. Асфендияров атындағы ҚазҰМУ ауқымды дамуын ескерусіз қалдыруға болмайды. Біз өткен жылы жұмыстың барлық бағыттары бойынша елеулі табыстарға қол жеткіздік: университет ұлттық және халықаралық рейтингтердегі жоғары позицияларды растады, студенттер өздерінің терең білім тұғырларын бағындыруда, ЖОО ғылыми әзірлемелері халықаралық сыныптың жаңа деңгейіне көшуде, ал университеттік емханалар науқастарға ең үздік және маңызды көмек көрсетілетін заманауи медициналық мекемелерге айналуда. Біз жаңа геномдық орталық аштық, Батыс Қазақстан мен Тараздағы медициналық колледждер өз жұмысын табысты жалғастыруда, біздің симуляциялық орталықтарымыз ТМД бойынша үздік болып саналады.
Сондай-ақ, біз бүгінде бүкіл Қазақстанның игілігі үшін қызмет ететін медициналық мамандықтардың негізін қалаған ұстаздарға құрмет пен тағзым көрсетуді ұмытпаймыз. Ұлы ұстаздар мен көрнекті дәрігерлердің есімдері біздің кафедралардың аттарында мәңгілікке сақталмақ.
Қымбатты достар, биылғы жыл біз үшін жеңістер мен жетістіктерге толы болды, олардың басты авторлары Сіздер. Әрқайсыңыздың жүрегіңізде өмірге құштарлық, жақсылыққа ұмтылыс пен өз кәсіптеріңізге деген сүйіспеншіліктің жалыны өшпесін. Еліміз тыныш, туған жеріміз аман болсын! Сіздерге зор денсаулық, отбасыларыңызға құт-береке, бақыт пен молшылық тілеймін!
Ұлыс оң болсын, ақ мол болсын!
