ҚазҰМУ студенттері танымал әнші Димаш Құдайбергенмен кездесті
ҚазҰМУ студенттері танымал әнші Димаш Құдайбергенмен кездесті
2015 ж. 19 қыркүйек күні ҚазҰМУ-дың «Даңқ залында» Студенттердің өзін-өзі басқаруын дамыту бөлімінің жетекшілігімен және «Жалпы медицина» факультетінің студенттік үкіметі мен «Аманат» студенттер кәсіподағымен бірлесе «Жетістіктің сыры» (студенттердің еліміздегі, университеттегі белгілі қоғам қайраткерлері мен танымал тұлғалармен кездесу) сұхбаты аясында университет студенттері танымал әнші, мемлекеттік «Дарын» сыйлығының иегері(2014), Витебск қаласында өткен XXIV халықаралық «Славян базары – 2015» конкурсының бас жүлде иегері Димаш Құдайбергенмен кездесті.
Кездесу Димаш Құдайбергеннің тамаша орындауындағы «Дайдидау» әнімен бастау алды. Жүргізушілер келген қонаққа сұрақтарын қойып, өз пікірлерін білдірді. Студенттердің шынайы қошеметіне бөленген Димаш тағы да жанды дауыста ән орындап берді.
Димаш Құдайберген «Жетістіктіңсыры» бағдарламасының екінші қонағы болып отыр.Кездесу соңында «Жетістіктің сыры» бағдарламасының дәстүрі бойынша кездесу қонағы арнайы жазбаға жетістікке жетер жолдағы үш қасиетті жазып, өз қолтаңбасын қалдырды.
Кездесуден соң «Аманат» студенттер кәсіподағы атынан арнайы сыйлықтар табысталып,студенттер сүйікті әншілерімен естелікке суретке түсті.
Студенттердің өзін-өзі басқаруын дамыту бөлімі
