ҚазҰМУ студенттері үздік атанды
Университетіміздің зияткер жастарынан құралған “SIRIUS” командасы Almaty TV телеарнасының ұйымдастыруымен өткен IQ Almaty интеллектуалды бағдарламасына қатысып, топ жарды.
Аталмыш жобаға Алматы қаласының оқу орындарынан жалпы 24 команда қатысып, ең үздіктері ақтық мәреге жолдама алды. “SIRIUS” командасы финалдық ойында Орталық Азия Университетінен келген “ВЕРНЫЙ” командасымен бақ сынасып, бас жүлде 2.000.000 теңгенің иегері атанды.
Жоба жеңімпаздары аталмыш жеңістерін ҚазҰМУ-дың 90 жылдық мерейтойына арнады.
