ҚазҰМУ студенттер қатарына қабылдау кеші: үздіктердің үздігі – болашақ дәрігер сапында
С.Ж. Асфендияров атындағы Қазақ Ұлттық медицина университетінде жыл сайын күтілетін маңызды іс-шараның бірі – «Студенттер қатарына қабылдау» салтанатты кеші өтті. 2223 бірінші курс еліміздің ең үздік медициналық жоғары оқу орнының студенті атанды. Бұл күн олардың әрқайсысы үшін ұзақ әрі асыл – дәрігерлік жолдың басталуының нышанына айналды.
Жас түлектер адамға қызмет етуді, науқастарға көмек көрсетуді өмірлік мақсат еткен үлкен медициналық отбасының мүшесі болды.
«Факелді біздің өнеріміздің оты деп ойла — ол Асклепий әлі жер бетінде дәрігер болып жүрген көне замандардан жеткен өнердің нышаны… Егер біліміміздің оты әлсіз, ал белгісіздің қараңғылығы қою болса да, рухың түспесін. Бұл шамның оты – медициналық өнердің сабақтастығын бейнелейді. Осы факелдің отын сақтап, келесі ұрпаққа жеткіз, ол мәңгілік жансын…»
Гиппократтың осы әсерлі сөзі сахнадан символикалық түрде факелді тапсыру сәтінде айтылды. Бұл сәт дәрігерлік кәсіптің ұлы миссиясын — білімнің, адамгершіліктің және мейірімнің нұрын тарату идеясын тағы бір мәрте еске салды.
Ұлы ұстаз — Абай, Әбу Әли ибн Сина, Әл-Фараби және Гиппократтың даналық өсиеттерінен кейін бірінші курс студенттері қолдарын жүректеріне қойып, болашақ дәрігердің антын қабылдады. Олар өз өмірін емшілік ісіне арнауға, асклепиадтар дәстүрін жалғастыруға және дәрігерлік абыройды биік ұстауға ант берді.
Бүгінде ҚазҰМУ — Қазақстандағы жетекші медициналық университет. Мұнда 15 000-нан астам студент білім алады, оның ішінде 36 елден келген 3 000-нан астам шетелдік студент бар. Университет 167 клиникалық базаға сүйенеді, заманауи симуляциялық орталықтармен жабдықталған және 100 білім беру бағдарламасын, соның ішінде балалар резидентурасының 14 жаңа бағытын жүзеге асырады.
Түлектердің жұмыспен қамтылу деңгейі 99%-дан асады, ал ҚазҰМУ дипломы — кәсібиліктің, сенімнің және жоғары сапалы медициналық білімнің символы болып қала береді.
Салтанатты сәттердің бірі – Халықаралық факультетінің «Медицина» мамандығы бойынша ең жоғары — 138 балл жинаған студент Айсұлу Әділбекке алғашқы студенттік билетті ҚазҰМУ проректоры Убайдулла Датхаевтың табыстауы болды.
Мерекелік көңіл күйді танымал әнші, Қазақстанның Еңбек сіңірген қайраткері Нұрлан Абдуллиннің орындауы ерекше әсерге бөледі.
Рәсімнің ресми бөлігі халықаралық студенттік гимн — Gaudeamus әнімен аяқталды.
Күннің шарықтау шегі — көңілді студенттік дискотека болды.
ҚазҰМУ — бұл жай ғана университет емес, бұл дәстүр, білім мен жастық жігері тоғысқан үлкен отбасы.
Қымбатты жастар! Алдарыңызда ұзақ та жауапты жол жатыр. Бұл жолды тек рухы мықты, жүрегі таза адам ғана жүріп өте алады. Әрқайсыңыздың басты мақсатыңыз — өмір мен үмітті сеніп тапсыратын нағыз дәрігер болу. Есіңізде болсын, сіздер — Қазақстан медицинасының болашағысыздар!
P.S. Барлығы осында басталады — ҚазҰМУ-да.
