ҚазҰМУ студенті еліміздің «ҮЗДІК СТУДЕНТІ» атанды
Жалпы медицина-2 мектебінің 4-курс студенті, Университеттің Студенттік Үкіметі Ақпарат және Қоғамдық даму комитетінің жетекшісі Дауренов Ұлықбек Қазақстанның «ҮЗДІК СТУДЕНТІ» атанды.
Ұлықбек Қазақстан Республикасы Президенті Қасым-Жомарт Тоқаевтың “Жаңа жағдайдағы Қазақстан: іс-қимыл кезеңі” атты Қазақстан халқына Жолдауындағы Ұлттың жаңа болмысын қалыптастыру және еліміздің талантты жастарының жетістіктерін насихаттау мақсатында өткен “ҚАЗАҚСТАННЫҢ ҮЗДІК СТУДЕНТІ – 2020” жобасының “Жас қыран” талантты жастардың IV Республикалық жинағына енгені үшін I дәрежелі дипломмен марапатталып, арнайы төсбелгі иегері атанды.
Дауренов Ұлықбек зияткерлік және бірнеше ғылыми жобалардың авторы. Almaty TV телеарнасының ұйымдастыруымен өткен IQ ALMATY интеллектуалды сайысының жеңімпазы атанған “SIRIUS” командасының және Университетімізде алғаш өткен
“GENIUS” интеллектуалды жобасының жетекшісі.
