ҚазҰМУ Талдықорған қаласында кәсіби бағдар беру бойынша форумында
2017 жылдың 20 қаңтарында Талдықорған қаласында Алматы облысы және қаланың жоғарғы сынып оқушыларына арналған Республикалық «Современное образование» журналының редакциясы, Алматы облысы білім беру басқармасының ұйымдастырумен оқу орындарының көрмесі және кәсіби бағдар беру бойынша форум өтті.
Университеттің Республикалық «Современное образование» журналының редакциясымен бірлескен жұмысы аясында кафедра оқытушылары, факультет деканаттары және Қабылдау, кәсіби бағдар беру, студенттерді дамыту және бітірушілерді жұмыспен қамту басқармасының қызметкерлері кәсіби бағдар беру іс-шарасына қатысып, Алматы облысы және Талдықорған қаласының жоғары сынып оқушылары арасында кәсіби бағдар беру жұмысын жүргізді.
Форумға дейін келушілер университеттер туралы ақпараттық материалдарды алу мүмкіндігін берген ЖОО көрмесі ұйымдастырылды, көрме барысында іс-шара қонақтары ЖОО өкілдерімен танысты. Форум қатысушыларына «С.Ж.Асфендияров атындағы ҚазҰМУ» фильмі көрсетілді, кейін «Жалпы медицина» факультетінің декан орынбасары Жанкалова Зульфия Мейрхановна, «Стоматология» факультетінің декан орынбасары Кұсмолдаева Жазира Нұрасыловна, «Фармация және фармацевтикалық өндіріс технологиясы» факультетінің декан орынбасары Скакова Ұлпан Төлеухановна, «Денсаулық сақтау экономикасы және медициналық сақтандыру медициналық құқық пен сот медицинасы курсымен» кафедрасының оқытушысы Серікұлы Меиржан («Х.Досмұхамедов атындағы Қоғамдық денсаулық сақтау, медициналық-профилактикалық іс, мейірбике ісі және менеджмент» факультеті) университеттің факультеттері мен мамандықтары туралы презентацияларын таныстырды. Қабылдау, кәсіби бағдар беру, студенттерді дамыту және бітірушілерді жұмыспен қамту басқармасының маманы Есімбекова Перизат Мұратбекқызы ЖОО көрмесінде жұмысын жалғастырып, оқушылар мен ұстаздарға ҚазҰМУ маман дайындау бағыттары туралы кеңес берді, сонымен қатар Университет туралы ақпараттық материалдар таратылды.
Кәсіби-бағдар, студенттерді дамыту және бітірушілерді
жұмыспен қамту орталығы
