ҚазҰМУ шаңырағында ҚР Тұңғыш Президенті күні аталынып өтті
2017 жылдың 29 қараша күні «Concordia» театрында Қазақстан Республикасының Тұңғыш Президенті күні салтанатты түрде аталынып өтті.
Университет әкімшілігі атынан ректордың корпоративтік даму және кадрлық ресурстар бойынша кеңесшісі В.Н.Девятко баяндама жасап, ұжымды мерекемен құттықтады. Университеттің «Нұр Отан» бастауыш партиясының төрағасы И.А.Кулманбетов Елбасы Н.Ә. Назарбаевтың Тәуелсіздік жылдарындағы жасаған еңбектеріне тоқталып өтті. Сонымен қатар, Елбасының Тәуелсіздік жылдарындағы еліміздің жаңаша қалыптасуындағы бастамалары, жетістіктері жайында түсірілген деректі фильм көрермен назарына ұсынылды. Мерекелік іс-шараның екінші бөлімі Б.Байқадамов атындағы мемлекеттік хор капелласы ұжымының концертімен жалғасты. Концерт барысында Елбасының елге, жерге деген үлкен сезіммен жазған «Елім менің», «Жерім менің» әндері орындалды.
Жастар саясаты басқармасы
