ҚазҰМУ Үндістан медициналық университеттерімен серіктестігін кеңейтуде (Santosh University), Дели, Үндістан
2025 жылғы 14 қарашада С.Ж. Асфендияров атындағы Қазақ ұлттық медициналық университетінің ректоратындағы Кіші конференц-залда ҚазҰМУ бірінші проректоры Қайдарова Диляра мен Университет Сантош (Нью-Дели, Үндістан) делегациясының ресми кездесуі өтті. Университет Сантош делегациясына бірінші проректор Dr. Manoj Goyal, халықаралық істер жөніндегі кеңесші Dr. Anup Kumar Gogna және академиялық мәселелер бойынша декан Dr. Shalabh Gupta кірді.
Келіссөздер барысында тараптар ҚазҰМУ студенттерінің Santosh University базасында тағылымдамадан өту перспективаларын, сондай-ақ академиялық мобильдік бағдарламалар бойынша өзара алмасу мүмкіндіктерін, оның ішінде қысқа мерзімді клиникалық ротациялар, ғылыми-зерттеу тағылымдамалары және бірлескен білім беру бастамаларын талқылады.
ҚазҰМУ мен Santosh University өкілдері университеттердің құрылымы, оқу бағдарламалары және халықаралық жобалар туралы ақпаратпен бөлісті, бұл екі ұйымның білім беру әлеуетін, ғылыми-зерттеу қызметін және стратегиялық даму бағыттарын көрсетіп, серіктестікті кеңейтуге деген өзара қызығушылықты білдірді.
Келіссөздер қорытындысы бойынша университеттер арасындағы серіктестікті нығайту және өзара тиімді бастамаларды кеңейтуге бағытталған Ынтымақтастық Меморандумы қол қойылды.
Университет Сантош туралы:
Santosh Deemed to be University, NCR Дели аймағында (Газиабад) орналасқан жеке университет, 1990 жылдардан бері жұмыс істеп келе жатқан медициналық және стоматологиялық колледждер негізінде құрылған. Университет медицина, стоматология және парамедициналық ғылымдар саласында бакалаврлық, дипломдық және докторлық бағдарламаларды қамтитын кең ауқымды оқу бағдарламаларын ұсынады.
Университет 900 орындық клиникалық аурухананы басқарады және NAAC аккредитациясына ие. Ғылыми салада SIRO сертификатына ие заманауи Орталық зерттеу орталығы жұмыс істейді, онда 125-тен астам магистрант бар және зерттеу мәдениеті мықты дамыған.
