ҚазҰМУ ұжымы қуғын-сүргін құрбандарын еске алып, ескерткіштерге гүл шоқтарын қойды
2025 жылдың 30 мамыр күні сағат 10.00-де С.Ж.Асфендияров атындағы ҚазҰМУ-дың Қазақстан тарихы және гуманитарлық пәндер кафедрасы, Білім алушыларды дамыту және қолдау департаментінің Тәрбие жұмысы және студенттік бастамалар орталығының ұйымдастыруымен Алматы қ. Алмалы ауданы Қарағайлы саябағында 31 мамыр саяси қуғын-сүргін және ашаршылық құрбандарын еске алу күніне орай гүл қою рәсімі ҚазҰМУ қызметкерлері мен оқытушы профессорлық құрамның қатысуымен өткізілді.
Іс-шара барысында университет проректоры Датхаев Убайдилла Махамбетұлы алғы сөзбен бастап, Мәлік Ғалым Алауидинұлы – PhD, қауымдастырылған профессор, ҚОП ООД төрағасы, Қазақстан тарихы және әлеуметтік-гуманитарлық пәндер кафедрасының оқытушысы, Уалиева Сауле Кабдумаликовна- тарих ғылымдарының кандидаты, Қазақстан тарихы және әлеуметтік-гуманитарлық пәндер кафедрасының доценті, Ногайбаев Еркин Оразалиұлы – Қазақстан тарихы және әлеуметтік-гуманитарлық пәндер кафедрасының ассистенті өз баяндамаларын оқып, ҚазҰМУ тарихи мұражай басшысы Амантаев Бақанай Амантайұлы қортынды сөз сөйледі. Гүл қою рәсімімен басталған іс-шара баяндамашылардың тың деректерімен толықтырылып, іс-шараға қатысқан ПОҚ қоғамына көптеген ақпараттар жеткізілді. Бұл күн ХХ ғасырдың тарихи шежіресінің ең ауыр кезеңдерінің бірі – жаппай саяси қуғын-сүргін және ашаршылық құрбандарын еске алуға, рухына тағзым етуге арналған күн.
Қазақстанда 125 мыңнан астам адам қуғынға ұшырап, 25 мың адам ату жазасына кесілді. Жазықсыз жазаланғандардың қатарында Ә. Бөкейхан, А. Байтұрсынұлы, М. Тынышбаев, М. Дулатұлы, Т. Рысқұлов, М. Жұмабаев, С. Сейфуллин, І. Жансүгіров, Б. Майлин, С. Асфендияров сынды қайраткерлер мен ұлт зиялылары бар. Саяси құрбандар лагерьлерге жіберіліп отырды. Қуғын-сүргінге ұшыраған азаматтардың әйелдері де Ақмола облысында орналасқан «АЛЖИР» лагерінде азапталды.
1993 жылы «Жаппай қуғын-сүргін құрбандарын ақтау» туралы заң қабылданған болатын. Соның нәтижесінде жазықсыз жала жабылғандар ақталды. Президент Қасым-Жомарт Тоқаев үндеуінде: «Біз жазықсыз жазаланғандардың әрқайсысын есте сақтау арқылы ғана кемел келешекке жол ашамыз», деген болатын.
Саяси қуғын-сүргін құрбандарын еске алу күні Қазақ халқы үшін айрықша маңызға ие. Қанқұйлы жылдардың оқиғасын, оның жазықсыз құрбаны болған адамдардың есімдерін мәңгі ұмытпай, оларды әрқашан есте сақтау, өткенге салауат етіп, ақтаңдақтар ақиқатына тереңірек мән беріп, ұғыну – бүгінгі ұрпақ парызы.
