«Қыз өссе елдің көркі» байқауы

14.04.2022 | просмотров: 1  548

12.04.2022 жылы «Наурыз» мейрамын тойлау қарсаңында И.С.Жекенова атындағы ҚКЖА ауруханасының мәжіліс залында 3 курс ЖММ-1 және 5 курс ЖММ-2 студенттерінің арасында «Қыз өссе елдің көркі» байқауы өткізілді.

Ұйымдастырушылар: жұқпалы және тропикалық аурулар кафедрасы (кафедра меңг., профессор Дуйсенова А.К.), Жалпы Медицина –1 мектебі, Жалпы Медицина – 2 мектебі.

Байқаудың мақсаты: Ұлттық дәстүрлерге деген сүйіспеншілік пен құрметке баулу. Байқаудың ерекшелігі-дәрігердің рухани мәдениетін, ұлттық бейнесі мен адамгершілігін көрсету.

Сайыс 5 кезеңнен тұрды:

«Мен сұлумын, ақылдымын, көріктімін!» (Қатысушылардың сәлемі)

2. «Саусағынан бал тамған» (қолдан жасалған бұйымдарды немесе ұлттық тағамдарды көрсету).

«Өнерлі өрге жүзеді» (сайыс: би, ән, монолог оқу)
«Ақылына көркі сай» (халқымыздың салт-дәстүрлері бойынша сұрақтар мен жауаптар).
«Қыздарға әсемдік жарасады» (Әр ұлттың киімдерін көрсету).
Дені саудың – жаны сау. Менің болашақ мамандығым. (Неліктен біздің қатысушылар осындай ізгі және жауапты мамандықты таңдағанын және болашақ мамандығы туралы айтып береді).

Байқауға 3 курс Жалпы Медицина –1 мектебі және 5 курс Жалпы Медицина – 2 мектебі – 1 студенттері қатысты:

№	Топ	Студенттің Т.А.Ә.	Оқытушылар
1.	3- курс «ЖМ» (006-1топ)	Майданбекова Мадина	Мынбаева А.Б.
2.	5- курс «ЖМ» (027-2топ)	Мейрамбек Жанерке	Конусова А.К.
3.	3- курс «ЖМ» (09-2 топ)	Айдарбекова Дина	Қайдарбек М.Қ.
4.	5- курс «ЖМ» (25-2 топ)	Мақаш Ақмарал	Қайдарбек М.Қ.
5.	3- курс «ЖМ» (07-2 топ)	Алмасбек Аяжан	Қайдарбек М.Қ.

Байқау нәтижелерін құзыретті қазылар алқасы бақылау парақтарына негізделген баллдық жүйе арқылы бағалады.

Қазылар алқасының бірлескен шешімімен Бас жүлдені – Алмасбек Аяжан иеленді, 1 орынмен Майданбекова Мадина, 2-ші орын және «Парасатты ару» номинациясымен Айдарбекова Дина, 3-ші орын және «Өнерлі ару» номинациясымен Мақаш Ақмарал марапатталды, Мейрамбек Жанерке «Сымбатты ару» номинациясын жеңіп алды.