«Ұлыстың ұлы күні – Наурыз мейрамы»
2023 жылдың 17 сәуір күні «Наурыз» мейрамына арналған «Ұлыстың ұлы күні – Наурыз мейрамы» атты ауқымды іс-шарамыз Халықаралық деңгейде атап өтілді. Іс-шараны С.Д. Асфедияров атындағы Қазақ Ұлттық медицина университетінің гистология кафедрасы мен Б.Н. Ельцин атындағы Қырғыз-Ресей Славян университетінің анатомия, топографиялық анатомия және оперативті хириугия кафедрасымен бірігіп ұйымдастырды. Іс-шара онлайн және офлайн режимінде өткізілді.
Іс-шараның басты мақсаты – қазақ халқының салт-дәстүрі мен әдет-ғұрыптары туралы айту, «Наурыз» мейрамы ғана емес, ұлттық әдет-ғұрып, салт-дәстүрімізге құрметпен қарауға ықпал ету. Сонда-ақ студенттерді басқа халықтың салт-дәстүрлерімен таныстыру.
Мерекелік іс-шараны Әлеуметтік-тәрбие жұмысы департаментінің басшысы Махмутов Серік Қапанович және ҚРСУ Б.Н.Ельцин атындағы анатомия, топографиялық анатомия және оперивті хирургия кафедрасының меңгерушісі Губанов Борис Петрович ашты. Жалпы медицина мектебінің 2 курс 21-032, 21-011 топ студенттері, Педиатрия мектебінің 2 курс 21-002, 21-003, 21-004 топтары және Халықаралық факультетінің 2 курс 21-095, 21-078 студенттері мен 1 курс 22-071 топ студенттері және Б.Н. Ельцин атындағы ҚРСУ студенттері қатысты. Студенттер ұлттық музыкалық аспаптарда ойнап, өлең айтып, би билеп, қазақ халқының салт-дәстүрі мен әдет-ғұрыптары туралы таныстырды.
Іс-шараның соңында сөз кезегі Б.Н. Ельцин атындағы ҚРСУ анатомия, топографиялық анатомия және оперативті хириугия кафедрасының м.ғ.к., доценті Бейсембаев Анвар Акулькеримович пен С.Д. Асфендияров атындағы ҚазҰМУ гистология кафедрасының меңгерушісі Ергазина Марал Жүнусбековнаға берілді.
