ҰОС қатысушыларын еске алу
Химия кафедрасының оқытушылары жеңіс күнінің қарсаңында «ҰОС қатысушыларын еске алу» тақырыбында іс-шараларды ұйымдастырып, ұлы отан соғысы ардагерлерінің ескерткіштеріне гүл шоқтарын қойыды. Шараның мақсаты: Зұлмат соғыс жылдарында қан кешіп, елін, жерін қорғаған батыр бабаларымыздың рухына тағзым ету. Студенттерді патриоттыққа, отансүйгіштікке тәрбиелеу.
Елін жерін қорғау әрбір азаматтың қасиетті борышы, осы қасиетті борышын адал атқарып, құрбан болған батыр аталарымыздың ерлігі әрқашан ардақтауға ылайық. Өскелең ұрпақты отан сүйгіштікке тәрбиелеуде, ардагерлеріміздің жанқиярлық рухын еске алу тәрбиелік маңызы зор іс болдмақ. Тыныштықта өтіп жатқан әрбір күніміздің сол қайсар руыхты жандардың ұлы ерлігінің арқасында екенін түсініп, тәуелсіздігімізді бағалай білгеніміз абзал.
Тау алыстаған сайын биік көрінеді демекші, арада ғасырға жуық жыл өтіп, алыстаған сайын ұлы жеңісті алып берген ұлы ерлікте биіктей бермек. Талайдың өмірін қиып, талайдың тағдырын өзгерткен соғыстар бұдан бұрында болды, қазырде болып жатыр, кейінде болары хақ. Сондықтан ұлы отан соғысы ардагерлерінің ерлігін мақтан тұтып қана қоймай, оны бойымызға сіңіріп, солардай биік отан сүйгіштік рухта болуымыз керек.
Ұлы жеңісті еске алу іс-шарасында, рухтарға тағзым етілді, және соғыс жылдарындағы ерлік көрсеткен тұлғалардың батырлық іс-әрекеттерін еске алып, сол туралы деректі филмдер мен мақалалар сияқты әр түрлі материалдар қарастырылды. Жинақталған мәліметтер бойынша ұлы отан соғысы туралы студенттердің ақпараттық білімін тереңдете отырып, елін, жерін қорғаудың жарқын үлгісін көрсеткен батыр аталарының ерлік істері дәріптелді.
