ҚазҰМУ-да «Қош келдің, Әз-Наурыз» мерекесі атап өтілді
С.Асфендиров атындағы Қазақ Ұлттық медицина университетінде Наурыз мейрамы өтті. Университет ректоры Марат Едігеұлы құттықтау лебізін жеткізді. Мерекеге арнайы Қазақстан денсаулық сақтау саласының аңыз адамы, профессор Төрегелді Шарманов қатысты. Қазақ дәстүрімен абыз ақсақал бүлдіршіндердің тұсауын кесіп, ақ батасын берді.
Университетіміздің талантты студенттері биден шашу шашып, ән шырқады. Қазақстан эстрада жұлдыздары Саят Медеуов пен Серік Ибрагимов ән шашуымен келіп, мерекенің көркін кіргізді.
ҚазҰМУ аумағында тігілген киіз үйлер арасында «Ең үздік киіз үй» және мейрамға қатысушылар арасынан «Ең әдемі ұлттық киім» үлгісін көрсеткен жандар марапатталды.
Студенттерге арналып ақ дастархан жайылып, наурызкөже таратылды. Университет кәсіподағының демеушілігімен 500 адамға лайықталған палау басылды. Сонымен қатар, тек қана студенттер үшін 2 қазан көтеріліп, палау жасалды.
Наурыз – ырыс пен берекенің, жаңару мен молшылықтың мерекесі. Әз-Наурыз құтты болсын!
