90 жылдық мерейтойына арналған офтальмологтар конференциясы табысты өтті
90 жылдық мерейтойына арналған офтальмологтар конференциясы табысты өтті. Іс-шарада Қазақстанның және шетелдің жетекші офтальмологтары көз ауруларын емдеудегі заманауи әдістерді және озық медициналық технологияларды талқылап, маңызды баяндамалар жасады. Конференцияға қатысушылар көру қабілетін қалпына келтіру мен жақсартуға арналған жаңа шешімдерді қарастырып, өз тәжірибелерімен бөлісті.
Конференция соңында еліміздегі офтальмология саласына елеулі үлес қосқан дәрігерлер мен ғалымдар арнайы марапаттарға ие болды. Оларға Қазақстан офтальмологиясының дамуына қосқан үлесі үшін алғыс хаттары табысталды.
Біздің ҚазҰМУ-дің Офтальмология кафедрасы да ерекше назарға ие болды. Офтальмология кафедрасы 90 жылдық тарихында көптеген білікті мамандарды даярлап, елдегі көз ауруларын емдеу ісінде жетекші рөл атқарып келеді. Бүгінгі таңда кафедра офтальмологиялық орталыққа ие, онда болашақ дәрігерлер заманауи құрал-жабдықтармен жұмыс істеуді үйреніп, кез келген заманауи клиникада жұмыс істеуге қажетті білім мен дағдыларды меңгереді. Сонымен қатар, орталықта пациенттерге офтальмологиялық көмек көрсетіліп, бірегей операциялар да жасалады.
