ҚазҰМУ Студенттік құрылыс жасағы өз жұмысын бастап кетті!
2017 жылдың 19 маусымы күні ҚазҰМУ Студенттік құрылыс жасағы өз жұмысын бастады. Жасақ Университет ғимараттары мен студенттік қалашықтағы жатақханаларды абаттандыру жұмыстарына кірісті. Биылғы жылы Студенттік құрылыс жасағын 1,2,3 курс студенттерінен құралған 50 білім алушы толықтырды. Жасақтың жұмыс мерзімі 2017 жылдың 18-ші тамызына дейін жоспарланып отыр.
Студенттік құрылыс жасағы қатысушыларының жұмыс уақытындағы жоғарғы моральдық рухын арттыру мақсатында оларға үш мезгіл тамақтандыру, тегін жатақханамен қамтамасыз ету, қаражаттық төлем және басқа да әлеуметтік жеңілдіктер қарастырылған.
Республикалық «Жасыл ел» жастар еңбек жасақтарымен тығыз байланыс нәтижесінде 2017 жылдың 30 маусымы күні Тұңғыш Президент саябағында өткен жазғыеңбек маусымының ашылуында ҚазҰМУ Студенттік құрылыс жасағының қатысушылары Алматы қаласы «Жасыл ел» жастар еңбек жасақтарының арасында алдыңғы қатарлардан көрінді.
Жұмыстарына сәттілік тілейміз!
Студенттермен жұмыс бойынша басқарма
