Қазақстан халқының бірлігі күні
Ертең 28 сәуір күні Қазақ ұлттық медицина университетінде Қазақстан халқының бірлігі күніне орай салтанатты мереке өтеді. Бұл мереке еліміздің басты игіліктері мен құндылықтары – көпұлттылық, бірлік, толеранттылық, мәдениеттер әртүрлілігі және Қазақстанда тұратын 100-ден астам этностар мен ұлттардың өкілдері арасындағы жарасымды татулықты бейнелейтін ең ізгі және жарқын мереке.
С.Ж. Асфендияров атындағы Қазақ ұлттық медицин университеті ұлтаралық ынтымақтастықтың айқын дәлелі. Біздің университет шетелдіктер арасында ең танымал жоғары оқу орындарының бірі болып табылады. Қазір бізде елуге жуық түрлі ұлт өкілдері білім алуда.
Ертең сағат 12:00 бастап Колоннада алдындағы алаңда ҚазҰМУ студенттері өз халықтарының мәдениетінің әртүрлілігін паш етеді. Өте қызықты болмақ! Келіңіздер, біздің ҚазҰМУ-дың іргесі берік және тату көпұлтты отбасымызды көріңіздер!
