Челендж #ҚазҰМУТуғанкүніқұттыболсын
Құрметті С.Ж. Асфендияров атындағы Қазақ ұлттық медицина университетінің түлектері!
Университетіміз осы сенбіде 93 жылдық мерейтойын атап өтеді. Білім ордамыздың туған күнімен шын жүректен құттықтауымды қабыл алыңыздар! 1930 жылы 2 желтоқсанда Санжар Асфендияровтың басшылығымен еліміз үшін медицина кадрларын даярлайтын Қазақстанның тұңғыш медициналық институты ашылды. 93 жыл ішінде Қазақ ұлттық медицина университеті денсаулық сақтау және фармация салаларында Қазақстанның барлық аймақтарында, сондай-ақ алыс-жақын шетелдерде қызмет ететін 100 мыңнан астам мамандарды дайындады.
Бүгінгі таңда Қазақ ұлттық медицина университеті 15 мыңнан астам студенттерді, резиденттерді, магистранттар мен докторанттарды даярлап отырған, еліміздің болашағы үшін үздік оқытушылар қызмет ететін ерекше мәртебесі бар еліміздің жетекші медициналық университеті болып табылады.
Осы мерейлі мерекеде университеттің бүкіл ұжымын, студенттері мен түлектерін ҚазҰМУ-дың туған күнімен құттықтағым келеді және әлеуметтік желілерде #ҚазҰМУТуғанкүніқұттыболсын хэштегімен челлендж бастағым келеді, мұнда біздің Университетімізге қатысы бар әрбір адам құттықтау жолдауға, университет туралы естеліктерімен бөлісуге болады.
Vivat academia! Университетіміз жасасын!
Құрметпен,
С.Ж. Асфендияров атындағы ҚазҰМУ
түлектері қауымдастығының президенті У.М.Датаев
