ҚазҰМУ Алматының орталығында жаңа жатақхана салу бойынша инвесторлармен келіссөздер жүргізуде
Жатақхана 500-ге дейін студент қабылдай алатын 6 қабатты ғимарат болады деп жоспарлануда. Айта кету керек, университет басшылығы университетке және университеттің клиникалық базаларына, саябақтарға, гүлзарларға, әлеуметтік нысандарға, супермаркеттерге, дүкендерге, метро станциясына жақындығына ерекше назар аударады. Бір сөзбен айтқанда, үлкен қаланың комфортында жайлы өмір сүру үшін қажет нәрсенің бәрі қамтылуы қажет.
Университет әзірлеген тұжырымдамаға сәйкес өмір сүру шарттары барлық әлемдік стандарттарға сәйкес келеді: адам санына жайлы бөлмелер, әр бөлмеде дәретхана мен душ, әрбір студентке арналған жеке оқу орыны мен жатыр орындар. Барлық қажетті тұрмыстық техникасы бар ыңғайлы ортақ асүйлер, әр қабаттағы ыңғайлы оқу залдары, кір жуатын бөлме, кітапхана, зат сақтау орны, ойын-сауық және спорт бөлмелері қарастырылады.
Айта кетейік, қазір ҚазҰМУ-да 3168 төсек-орынға арналған 8 жатақхана бар. Жыл ішінде жеке жатақханалармен және хостелдермен меморандум жасалады. Биыл жалпы саны 2950 адам жатақханаға қоныстанды. Олар: бірінші курс студенттері, әлеуметтік осал санаттың өкілдері және шетелдік студенттер.
