AmalBooks баспагері, Forbes Kazakhstan журналының бас редакторы, BAS QOSU жобасының басшысы Бақытжан Бұқарбайұлының студенттермен мотивациялық кездесуі
2023 жылдың 10 ақпан күні С.Ж.Асфендияров атындағы ҚазҰМУ-да AmalBooks баспагері, Forbes Kazakhstan журналының бас редакторы, BAS QOSU жобасының басшысы Бақытжан Бұқарбайұлының студенттермен мотивациялық кездесу өтті.
Іс-шараның ашылу салтанатында университет әкімшілігі атынан проректор, фарм.ғ.д, профессоры Датхаев Убайдилла Махамбетұлына берілді. Ұйымдастырылған іс-шараның маңыздылығы, Бақытжан Бұқарбайұлының Қазақстан тарихына сіңірген еңбігі, студенттердің кітап оқуға деген мотивацияны көтеру қазіргі таңда алдыңғы орында тұрған міндеттердің бірі екенін атап өтті.
Ұйымдастырылған іс-шара арнайы шақырылған AmalBooks баспагері, Forbes Kazakhstan журналының бас редакторы, BAS QOSU жобасының басшысы Бақытжан Бұқарбайұлының сөзімен жалғасын тапты. Бақытжан Бұқарбайұлы өз сөзін ҚазҰМУ-нің студенттерімен кездесу үлкен құрмет екенінен бастады. Сонымен қатар студенттерге мотивациядан гөрі стимулдың болуы маңыздырақ екенін айтты және осы екі терминнің айырмашылығын ашып көрсетті. Шақырылған қонақ өзінің осы уақытқа дейін жетістікке жеткен жолымен бөлісіп, студенттерге мотивацияны алу жолдары және дұрыс мақсатты қоя білу туралы ойымен бөлісті. Мақсатқа жетудің жолы – әрекет ету. Бақытжан Бұқарбайұлының мотивациялық баяндамасын мұқият тыңдау барысында студенттерде іс-шаралық тақырыпқа қызығушылық ояну салдарынан өздерінің әртүрлі қызықты сұрақтарын қою арқылы нақты, айқын жауаптар алды. Сұрақ жауап соңында Бақытжан Бұқарбайұлы белсенді сұрақ қойылған студенттерге және С.Ж.Асфендияров атындағы ҚазҰМУ-нің кітапханасына өз баспасының кітабын тарту етті.
Сондай-ақ іс-шараны Жалпы медицина мектебінің 1-курс студенті Базарбаева Аружан халық әні «Қазақ осы», Стоматология мектебінің 1-курс студенті Мәулен Амангелді «Көк тудың желбірегені» әнін орындап, іс-шараның сәнін келтірді.
Мотивациялық кездесуді Қазақстан тарихы және әлеуметтік-гуманитарлық пәндер кафедрасының меңгерушісі Нагайбаева Зауреш Арстамбекқызы қорытындылап Бақытжан Бұқарбайұлы мен барлық қатысушыларға ризашылығын білдіріп, осындай іс-шаралардың маңыздылығын атап өтті.
