Do you know Chemistry
Химия кафедрасының оқытушылары 2024 жылғы 24 мамырда Химик күнін мерекелеу қарсаңында «Do you know Chemistry» зияткерлік ойынын ұйымдастырып, өткізді. Бұл іс-шараға химия кафедрасының жауапты оқытушылары: Нечепуренко Е. В., Алмабекова А. А., Карлова Э. К., Бегимова Г. У.
Ойынның мақсаты: ойын барысында білім алушылардың білімін, олардың танымдық белсенділігін дамыту, пәнге деген қызығушылығын ояту, оқуға деген ынтасын қалыптастыру.
Зияткерлік ойынға С. Д. Асфендияров атындағы ҚазҰМУ мен әл-Фараби атындағы ҚазҰУ-да ағылшын тілінде білім алып жатқан шетелдік студенттердің екі командасы қатысты. Екі команда да өздері оқитын жоғары оқу орны жайлы, болашақ мамандықты таңдау туралы презентация дайындады. Әр команданың капитаны өз ойыншыларын таныстырды, командаластарының қызығушылық аумағы мен хоббиі туралы айтты. Содан кейін олар викторинаға қатысып, химия білімі бойынша бақ сынасты. Сұрақтар негізінен медициналық аспектімен бейорганикалық, физикалық, коллоидтық және органикалық химия тақырыптары бойынша болды. Қатысушыларға сұраққа жауап беру үшін бір минут берілді. Екі команданың жауаптарын ҚазҰМУ мен ҚазҰУ-дың биохимия, химия кафедрасының оқытушылары мен студенттерінен құралған қазылар алқасы бағалады. Екі жоғары оқу орнының қолдау тобы үшін де сұрақтар әзірленді. Студенттер тек қана химия білімі бойынша емес, сонымен қатар логикалық есептер, түрлі конкурстар бойынша да жарысқа түсті. Іс-шара соңында қатысушыларға сертификаттар мен естелік сыйлықтар табыс етілді. Іс-шараға қатысушылар ұйымдастырылған ойын екі университет студенттері арасындағы достыққа бастау тапқанын атап өтті.
