ERASMUS+ (KA171-2023-2025) бағдарламасы аясында студенттер мен оқытушылардың академиялық ұтқырлығын іске асыру
ERASMUS+ (KA171-2023-2025) бағдарламасы НАО «С.Ж. Асфендияров атындағы Қазақ ұлттық медицина университеті» мен Люблин медицина университеті (Польша) арасындағы өзара ынтымақтастық туралы келісімге (№15, 08.03.2017 ж.) сәйкес жасалған.
Бағдарламаның мақсаты – студенттер мен оқытушылардың академиялық ұтқырлығын іске асыру, сонымен қатар Қазақстан Республикасының флорасындағы дәрілік өсімдіктерді этнофармакологиялық зерттеу саласында біліммен алмасу. С.Ж. Асфендияров атындағы ҚазҰМУ мен Люблин медицина университеті арасында жаңа бірлескен жобаларды әзірлеу бойынша ынтымақтастықты жалғастыру жоспарлануда.
Бағдарлама аясында келесі іс-шаралар жоспарланған:
- «Этнофармакологиялық зерттеулердегі ұсынылған әдістеме» атты оқыту семинары;
- Ғылыми-практикалық дағдыларды меңгеру және ғылыми зерттеулерге арналған объектілерді жинау мақсатында экспедиция.
Негізгі бағыттар:
- Өсімдік тектес субстанцияларды этнофармакологиялық зерттеу бойынша алдыңғы қатарлы тәжірибе;
- Этнофармакологиялық зерттеулердің заманауи әдістемесі;
- Қазақстан өсімдіктерінің кейбір түрлерінің фитохимиялық зерттеу нәтижелері;
- Төмендегі өсімдіктер негізінде фармацевтикалық субстанциялар мен дәрілік препараттарды жасау мақсатында практикалық медицина мен фармацияға енгізуге перспективті өсімдіктер:
Bupleurum longifolium L., Eremurus robustus (Regel) Regel., Artemisia gmelinii Weber ex Stechm., Artemisia serotina Bunge, Xanthium strumarium L., Capparis herbacea Willd., Geranium rotundifolium L., Rosa platyacantha Schrenk., Ziziphora bungeana Juz., Stachys sylvatica L., Geum aleppicum Jacq., Achillea filipendulina Lam., Rumex tianschanicus L., Archangelica decurrens Ledeb., Valeriana turkestanica Sumn., Leonurus turkestanicus V.I. Krecz & Kuprian, Crocus alatavicus L., Allium turkestanicum, Allium galanthum, Cotoneaster multiflorus, Cotoneaster melanocarpus, Thymus marschallianus L., Thymus seravschanicus L., Hedysarum semenowii Regel & Herder, Ribes meyeri Maxim.
Академиялық ұтқырлық нәтижесі – оқыту бағдарламасын меңгеру, сертификаттар беру, экспедиция өткізу және ғылыми зерттеулерге арналған объектілерді жинау болады.
Erasmus+ бағдарламасы аясында академиялық ұтқырлықты іске асыру серіктес жоғары оқу орындары арасындағы халықаралық қатынастарды дамытуға және семинар мен ғылыми зерттеу нәтижелерін практикада тиімді пайдалануға ықпал етеді.
Медициналық университеті Люблин (Польша) мен С.Ж. Асфендияров атындағы ҚазҰМУ Фармация мектебінің профессорлық-оқытушылық құрамының халықаралық тәжірибесі, білімі мен ғылыми әлеуеті ынтымақтастықты жалғастыруға және ғылыми зерттеулер жүргізуге қолданылатын болады.
Докторантура және магистратура диссертацияларын орындау аясында бірлесіп зерттеліп жатқан Қазақстан өсімдіктер түрлері туралы есеп ұсынылады.
