ERASMUS Plus BERNICA бағдарламасы аясында оқыту модульдерін енгізу әдістемесі бойынша тренинг сәтті өткізілді

2025 жылғы 6 наурызында Еуропалық Одақ қаржыландыратын ERASMUS Plus бағдарламасының үйлестірушісі мен тренерлері С. Д. Асфендияров атындағы ҚазҰМУ қызметкерлеріне оқыту жүргізді. Оқыту мақсаты – академиялық қызметкерлердің құзыреттілігін арттыру және жоғары білім беру саласындағы бағдарламаның танымалдылығын күшейту болды.

Оқыту ҚазҰМУ-дың «Еңбек гигиенасы және қоршаған ортаны қорғау саласындағы білім беру мен зерттеулердегі инновациялар орталығы» базасында өтті.  Және  бұл жоғары білім мен ғылымның әлеуетін арттыру стратегиясының бір бөлігі болып табылады. Барлығы 10 тыңдаушы қамтылды.

Оқыту интенсивті форматта өтті. Оған ERASMUS Plus бағдарламасының CANERIEH, TUTORIAL, HARMONEE және BERNICA жобаларының Қазақстан Республикасындағы және С. Д. Асфендияров атындағы ҚазҰМУ-дегі үйлестірушісі, медицина ғылымдарының докторы, профессор Тоғызбаева Қарлығаш Қабдешқызы қатысты. Профессор тыңдаушыларды ERASMUS Plus бағдарламасының бұрынғы жобаларымен таныстырып, олардың нәтижелері туралы ақпаратты ұсынды.

Одан кейін BERNICA жобасының (Building Educational and Research Capacities in Nutrition and Dietetics in Central Asia) тренерлері сөз сөйледі: PhD, академик Т. Шарманов атындағы нутрициология кафедрасының қауымдастырылған профессоры Беисбекова Арайлым Қайратқызы, биостатистика кафедрасының ассистенті Хожамқұл Рабиға және қоғамдық денсаулық сақтау кафедрасының ассистенті Соколов Дмитрий Константинович тыңдаушылар үшін тамақтану және диетология модульдері бойынша мына төмендегі тақырыптар бойынша тренингтер мен шеберлік сабақтары өткізілді.

1. «Nutrition in COPD» – (Созылмалы обструктивті өкпе ауруларын (СОӨА) тамақтандыру)
2. «Human Nutrition» – (Адамның тамақтануы)
3. «Advanced Nutrition and Dietetics in Metabolic Syndrome» – (Метаболикалық синдром кезінде кеңейтілген тамақтану және диетология)
4. «Mental health» – (Психикалық денсаулық)
5. «Nutrition in Elderly» – (Қарт адамдардың тамақтануы)
6. «Nutrition For School-Aged Children» – (Мектеп жасындағы балалардың тамақтануы)
7. «Old Products – New Components» – (Ескі өнімдер – Жаңа құрамдастар)