I Республикалық Студенттер арасындағы олимпиада

2015 жылдың 21-қарашасы күні, «Alma mater» қабырғасында Университетіміздің 85 жылдық мерейтойына арналған акушерия мен гинекологиядан I Республикалық Студенттер арасындағы Олимпиада өтті. Олимпиадаға 4 жоғарғы медициналық білім ордаларының командалары қатысты:

• Семей қаласының Мемлекеттік Медициналық Университеті
• Марат Оспанов атындағы Батыс Қазақстан Мемлекеттік Медициналық Университеті
• Карағанды Мемлекеттік Медициналық Университеті және біздің университеттің командасы.

Олимпиаданы жалпы медицина факультетінің 5 курс студенттері мен №2 акушерия және гинекология  кафедрасы бірігіп ұйымдастырды.

Олимпиада 6 конкурстан тұрды: «Шебер қолдар», «Эндовидеохирургия»,«Хирургиялық тігіс салу», «Блиц-сұрақ», Ситуациялық есептерді шешу және командалар өз қалалары мен университеттерін таныстырған «Видео визитка» конкурсы.

Олимпиада жоғары деңгейде өтті. Жеңімпаз болып «ALMA mater» командасы атанды. Барлық қатысушылар дипломдар мен бағалы сыйлықтармаен марапатталды. Олимпиада аяқталғаннан соң, қала қонақтарына Алматының дүние жүзіне танымал мұз айдынына,  спорт кешеніне барып қайтты. Қонақтар университетіміздің қонақжайлылығына риза болып, Олимпиаданы дәстүрге айналғанын қалайтындықтарын айтты.