SDU ректоры Қ.Ерғалиев ҚазҰМУ студенттерімен кездесті
2020 жылдың 11 қараша күні университетіміздің 90 жылдық мерейтойы аясында ҚазҰМУ түлектер қауымдастығы, жастар саясаты басқармасы мен «жалпы медицина-1» мектебінің ұйыдастыруымен университетіміздің 2006 жылғы түлегі, Гарвард университетінің қоғамдық денсаулық сақтау докторы атанған тұңғыш қазақ, Suleyman Demirel University ректор Ерғалиев Қуаныш Асылханұлының университет студенттерімен онлайн кездесуі өтті. Кездесу басында университетіміздің корпоративтік даму жөніндегі проректоры, түлектер қауымдастығының президенті У.М.Датхаев сөз сөйлеп, кездесу қонағына алғысын білдіріп, университетіміздің бүгінгі күнгі қызметі мен жетістіктері туралы әңгіме өрбітті. Кездесу спикері Қуаныш Асылханұлы өзінің өмірбаяны жайлы презентация жасап, қарапайым ауыл мектебінің оқушысынан еліміздегі үздік университеттің ректоры қызметіне көтерілгендігі туралы айтып, жастардың қызықтырған сұрақтарына жауап берді.
Кездесу соңында ұйымдастырушылар қонаққа өз алғыстарын білдіріп, екі университет арасында достық қарым-қатынастың орнауына үлкен қадам жасауға дайын екендіктерін жеткізді.
