«Shakhmardan Yessenov Foundation ғылыми білім беру қоры» хабарлайды! Әлем зертханаларындағы ғылыми тағылымдама бағдарламасы – 2027

Shakhmardan Yessenov Foundation әлемнің жетекші зертханаларында 90 күнге дейін ғылыми тағылымдамадан өтуге 10 ГРАНТ байқауын жариялайды!

КІМДЕР ҚАТЫСА АЛАДЫ?

• Қазақстан Республикасының азаматтары (ҚР аумағында тұратын);
• Студенттер (бакалавриат, магистратура, интернатура) немесе ғылыми қызметкерлер;
• Салалар: жаратылыстану ғылымдары, математика және статистика; ақпараттық-коммуникациялық технологиялар; инженерлік, өңдеу және құрылыс салалары; денсаулық сақтау бағыттарының бірінде білім алатын немесе жұмыс істейтіндер.
• GPA көрсеткіші:3 немесе одан жоғары;
• Ағылшын тілі: B2 деңгейінен төмен емес;
• Ғылыми жетістіктері бар, PhD-ге түсуді және Қазақстанда ғылымды дамытуды мақсат ететіндер.

ҚАЖЕТТІ ҚҰЖАТТАР

Міндетті құжаттар:

1. Жеке куәлік (скан көшірмесі);
2. Эссе («Мен жүзеге асырғым келетін зерттеу» тақырыбына);
3. Транскрипт (барлық оқу семестрлерінің бағаларымен);
4. Диплом (магистранттар мен ғылыми қызметкерлер үшін бакалавриат немесе соңғы диплом);
5. Түйіндеме

Қосымша құжаттар:

• Ғылыми сертификаттар (3 құжаттанартық емес);
• Әлеуметтік белсенділік пен еріктілік сертификаттары (2 құжаттан артық емес);
• Жарияланымдар (2 құжаттан артық емес);
• Ұсыныс хат (ғылыми жетекшіден, проректордан немесе ректордан – 1 құжаттан артық емес).

МЕРЗІМІ ЖӘНЕ ТІЛДЕРІ

• Өтінім қабылдау: 2026 жылғы 5 қазан – 4 қараша (сағат 15:00-ге дейін, Астана уақыты);
• Өтінім беру орны: Shakhmardan Yessenov Foundation ресми сайтында онлайн;
• Тілдері: Өтінім мен эссені қазақ, орыс немесе ағылшын тілдерінде толтыруға болады.

МҮМКІНДІГІҢДІ ЖІБЕРІП АЛМА! Ғылыми мансабыңды әлемдік деңгейге көтер!

Ережесі