«Асфен.Форум, жаңа ұрпақ-2024» II Халықаралық форумының өткізілмеуі туралы хабарландыру
Құрметті әріптестер!
2024 жылғы 6-7 маусымда Алматы қаласы С.Ж. Асфендияров атындағы Қазақ ұлттық медицина университеті базасында өткізу жоспарланған «Asfen.Forum, жаңа ұрпақ-2024» ІІ Халықаралық форумды тоқтату қажеттілігін терең өкінішпен хабарлаймыз. Бұл шешім Қазақстанның бірнеше өңірінде қалыптасқан су тасқыны жағдайларына байланысты қабылданды.
«Asfen.Forum, жаңа ұрпақ-2025» II Халықаралық форумы 2025 жылдың маусым айында болады және форум С.Ж.Асфендияров атындағы ҚазҰМУ-нің 95 жылдығына арналады.
Президент Қасым-Жомарт Тоқаевтың бюджет қаражатын үнемдеу және ірі іс-шараларды өткізуден аулақ болу қажеттігіне назар аударған ұсынымдарына сәйкес, біз шығындарды барынша азайту бойынша ұлттық күш-жігерге үлес қосуға тырысамыз. Президент сондай-ақ ірі халықаралық іс-шаралар шығындарды қысқарту мақсатында қайта қаралатынын атап өтті. Осы тұрғыда біз ғылыми қоғамдастықтың белсенділігін сақтай отырып, шығындарды азайту туралы шешіміміздің маңыздылығы мен қажеттілігін көреміз.
Біз осы шараға қатысудың Сіз үшін қаншалықты маңызды екенін түсінеміз және форумның тоқтатылуына қарамастан, біз ғылыми қоғамдастықты қолдауды жалғастыратынымызды атап өткіміз келеді. Атап айтқанда, тезистерді қабылдау жалғасуда, біз оларды тезистер жинағында жариялауды қамтамасыз етеміз. Бұл жас ғалымдарға қазіргі жағдайларға қарамастан, өз жетістіктерін түрлі елдердегі әріптестерімен бөлісуге мүмкіндік береді.
Осы қиын кезеңде түсіністік пен қолдау көрсеткеніңіз үшін алғыс айтамыз. Қатысушыларға ғылыми қауымдастық аясында білім алмасуды және ынтымақтастықты қолдау үшін қосымша онлайн іс-шаралар мен вебинарлар ұйымдастыруды жоспарлап отырмыз, біздің жаңартуларымыздан хабардар болыңыз.
Құрметпен,
С.Ж. Асфендияров атындағы ҚазҰМУ
Басқарма төрағасы – ректор Шоранов М.Е.
