Жалпы медицина факультеті бірінші курс студенттеріне дәстүрлі «Қарсы алу кешін» өткізді

16.11.2016 | просмотров: 3  328

2016 жылдың 10-шы қарашасы күні университетіміздің «Concordia» театрында «Жалпы медицина факультеті» дәстүрлі «Қарсы алу кеші» іс-шарасын ұйымдастырды. Қалыптасқан дәстүрге байланысты бұл күні 2-ші курс студенттері өздерінің әріптестері факультеттің 1-ші курс студенттерін қарсы алады. Жылда аталмыш шараға 1000-ға жуық бірінші курс студенттері қатысады. Биылғы жаңадан қосылған студенттер – өте ақылды, дарынды және көңілді жандар. Біздер 1 курс студенттеріне «ҚазҰМУ-ға Қош келдіңіздер!» деп айтамыз.

Іс-шара басында факультеттің бірінші деканы, қазіргі таңда тәрбие жұмысы, әлеуметтік сұрақтар және халықаралық қатынастар бойынша проректор Р.Т. Джумашева және факультет деканы Г.А. Шопаева бірінші курс студенттерін құттықтау сөздерімен бір серпілтті.

2009 жылдан бастап факультеттің студенттерінің таңдауымен С.Ж. Асфендияров атындағы медаль ҚазҰМУ-ға сіңірген еңбегі үшін оқытушыға немесе студентке беріледі. Биыл бұл құрметке патологиялық анатомия кафедрасының меңгерушісі, Аламаты қаласының бас патологанатомы, медицина ғылымдарының докторы, профессор Сапаргалиева Айгуль Дюсекешқызы ие болды.

Айгуль Дюсекешқызы жоғары сатыдағы оқытушы, талантты дәрігер, әрі ғалым, 15 халықаралық және университтеттік грант иегері. Студенттерді ғылыми жобаларға қатыстырып, жақсы нәтижелер көрсетуде. Айгуль Дюсекешқызының шәкірттері әртүрлі халықаралық конференцияларға белсене қатысады.

Карсы алу кешінде биылғы оқу жылында алғаш рет «Жалпы медицина» факультетінің 3-5 курс студенттеріне №1 қалалық аурухананың бас дәрігері, медицина ғылымдарының докторы, профессор Рамазанов Манас Ембергенұлы тағайындаған 100000 теңге көлеміндегі ақшалай шәкіртақысы табысталды. 2015-2016 оқу жылының қорытындысы бойынша факультеттің үздік 7 студенті байқаудан өтіп шәкіртақы иегері атанды.

Байқау жеңімпаздарының тізімі:

1. Нарзулла Надир, 4курс ЖМ, GPA- 3,76

2. Нургожа Айдана, 4 курс ЖМ, GPA- 3,83

3. Мәлімбай Самат, 5 курс ЖМ, GPA- 3,99

4. Марипжанов Дильяр, 5 курс ЖМ, GPA- 3,81

5. Калиуллаев Берик, 5 курс ЖМ, GPA- 3,88

6. Болаткызы Асель, 5 курс ЖМ, GPA- 3,86

7. Кадырбекова Дияра, 5 курс ЖМ, GPA- 3,82

Студенттердің атынан Мәлімбай Самат өз ризашылығын білдірді.

Шәкіртақы тағайындаушы профессор Рамазанов Манас Ембергенұлына ҚазҰМУ ректорының міндетін атқарушы, профессор Н. Хамзинаның атынан «Алғыс хат» табысталды.

Бірінші курс студенттеріне арналған тамаша мереке үшін «Жалпы медицина» факультетінің деканаты кешті ұйымдастырушы 2 курс студенттеріне алғысын білдіреді.

Жаңа оқу жылында барлық студенттерге сәттілік тілейміз!