Наурыз мерекесімен құттықтаймыз!
Барша Қазақ елі және С.Ж.Асфендияров атындағы қазақ ұлттық медицина университетінің барша ұжымы мен студенттері ұлыстың Ұлы күні Әз Наурыз құтты болсын!
Наурыз – жыл басы, Ұлыстың Ұлы күні. Күн мен түннің, ыстық пен суықтың, қыс пен жаздың, қараңғы мен жарықтың теңелетін, жер арқасы кеңіп, күллі тіршілік әлемі қайта түлейтін Табиғат мерекесі;
Наурыз-адамдардың қыс қыспағынан, жұт апатынан аман қалып, малы төлдеп, аузы аққа жаритын Шаруа мерекесі; Наурыз-әрбір шаңыраққа шырақ жағылып, «Қызыр түнін» күтіп, жақсылық құт-береке тілеп, ертеңгі күнге зор үмітпен қарайтын Сенім мерекесі; Наурыз-жеті дәмнен Наурыз көже жасап, адамдардың бір-біріне дәм татқызып, дастарқан басында бірге отыратын Ынтымақ-бірлік мерекесі; Наурыз-жыл бойы өткен-кеткен ренішті кедергісіз кешіріп, ән-күймен, ойын-сауықпен жанды жадыратып, сананы серпілтетін Көңіл меркесі. Ұлыстың Ұлы күні – Әз Наурыз мерекесі құтты болсын!
