«Остеохондрозды және тірек-қимыл аппаратының басқа да ауруларын емдеуге кешенді тәсіл» білім беру семинары
2025 жылдың 18 наурызында «Қазақстан Республикасы Президенті Іс Басқармасының медициналық ұйымдарының қызметін қамтамасыз ету» 028 бюджеттік бағдарламасы шеңберінде «Медициналық ұйымдарды техникалық және ақпараттық қамтамасыз ету» 102 бағдарламасы бойынша «Остеохондрозды және тірек-қимыл аппаратының басқа да ауруларын емдеуге кешенді тәсіл»білім беру семинары өткізілді.
Дәріскер ретінде медицина ғылымдарының докторы, С. Д. Асфендияров атындағы Қазақ ұлттық медицина университетінің жүйке аурулары кафедрасының меңгерушісі, Қазақстан Республикасы Денсаулық сақтау министрлігінің бас штаттан тыс невропатологы, біліктілігі жоғары санатты дәрігер-невропатолог С. Т. Туруспекова шақырылды. Ол Қазақстан Республикасы неврологтар қауымдастығының, Prim WWW, ECO,SO, AD/PD, IPA, ISPRM, Guidepoint Advisors неврологтар Лигасының мүшесі болып табылады.
Медициналық технологиялар және ақпараттық жүйелер орталығы ҚР ПІБ жүйесінің ведомстволық бағынысты ұйымдары қызметкерлерінің кадрлық әлеуетін дамытуға және жетілдіруге бағытталған білім беру қызметін жүзеге асырады. «ЦМТИС» АҚ портфелінде soft және hard skills, онлайн-курстар және күндізгі оқыту (бағдарламалар мен семинарлар) форматында цифрлық және кәсіби дағдыларды дамытуға бағытталған 70-тен астам білім беру шешімдері бар. Орталық Қазақстан Республикасы Үкіметінің 1998 жылдың 25 желтоқсанындағы №1355 «Мемлекеттік бюджеттен қаржыландырылатын бағдарламалар әкімшілік-мекемелерінің мәселелері» қаулысына сәйкес «Қазақстан Республикасы Президенті Іс Басқармасының Медициналық орталығының заманауи медициналық технологияларды енгізу орталығы «ММ құру туралы» ҚР ПІБ Медициналық орталығының 17.02.1999ж № 25 бұйрығымен қайта құрылды.
Семинардың мақсаты жаңа теориялық білім алу және қолда бар біліктілік шеңберінде кәсіби қызметтің барлық түрлерін, оның ішінде диагностикалық және емдік еңбек функциясын орындау үшін қажетті дәрігерлік және орта медициналық персоналдың кәсіби құзыреттерін жетілдіру, МСАК кезеңінде дәлелді медицинаның қазіргі заманғы қағидаттарына сәйкес тірек-қимыл аппаратының неврологиялық көріністері бар пациентке дербестендірілген тәсілді қалыптастыру.
Бағдарламада келесі тақырыптар көрсетілген:
- Остеохнодроз-Дорсопатия – Дорсалгия-төменгі арқадағы спецификалық емес ауырсыну (ТАСЕА).
- Жеке нервтердің, жүйке түбіршегі және сабаулардың зақымдануы. Туннель синдромдары.
- Ауырсыну синдромы: қазіргі заманғы көріністер
- Орталық жүйке жүйесіндегі Ноце-және антиноцицептивтік жүйелер. Ауырсыну түрлері.
- Терапияның негізгі принциптері, неврологиядағы ауырсыну синдромдарын жеңілдетуге сараланған тәсіл.
- Клиникалық ситуациялық тапсырмалар мысалында остеохондрозды және тірек-қимыл аппаратының басқа ауруларын емдеудің кешенді тәсілі.
Семинар нәтижесінде тыңдаушылар дорсопатияның неврологиялық көріністері бар, оның ішінде арқадағы спецификалық емес ауруы бар науқастарды диагностикалау мен емдеудің негізгі аспектілерімен танысты. Қазіргі заманғы дәлелді медицина тұрғысынан пациентті басқару тактикасының ерекшеліктері, ауырсыну синдромдарының, оның ішінде дорсопатиялар мен тірек-қимыл аппараты ауруларының негізгі көрінісі болып табылатын созылмалы көріністер туралы білім өзектендірілді. Оқыту Алматы қаласындағы «Оқ-Жетпес» ЛОК АҚ филиалының базасында өткізілді. Топтағы қатысушылар саны-30 адам.
Оқыту қорытындысы бойынша тестілеу және сауалнама әдісімен тыңдаушыларға сауалнама жүргізілді. Сауалнама қорытындысы бойынша оқуға қанағаттану деңгейі– 100% (1-диаграмма) құрады. Тестілеу нәтижелеріне сәйкес өткен материалды игеру деңгейі – 98% құрады (2-диаграмма).
