Практикалық білім берудің ең үздік шарттары
Қазақстандағы ең ірі Симуляциялық орталық Алматы қаласы, Шевченко көшесі, 100 мекен-жайындағы сегіз қабатты ғимаратта орналасқан. Орталықтың жалпы ауданы – 3085 м2 құрайды. Онда 61 оқу бөлмесі бар. Симуляциялық орталық Акушерлік және гинекология блогы, дебрифинг кабинеттері, хирургия блогы, педиатрия блогы, терапия блогы/виртуалды науқас, жедел жәрдем блогынан тұрады.
Университетте жұмыс істейтін анатомиялық мұражай жаңартылды, соның нәтижесінде ҚазҰМУ анатомия кафедрасының базасында анатомия және патанатомия мамандарын оқыту үшін теңдесі жоқ орта құрылды.
Жаңа жабдықтардың қатарында – бірегей тренажерлер – адам денесінің анатомиялық модельдері бар. Олар адам анатомиясының өте шынайы синтетикалық көрінісін ұсынады. Білім беру деңгейінің синтетикалық моделіне адам анатомиясында кездесетін сүйектер, буындар, бұлшықеттер, органдар мен сіңірлер кіреді. Модельдердің бірі қан айналымы жүйесінің жұмысын көрсетуге мүмкіндік береді. Компьютердің көмегімен практикалық сабақтар үшін жүрек соғысының режимдерін және басқа параметрлерді орнатуға болады.
2021 жылы сүйек мұражайына толық жөндеу жұмыстары жүргізілді. Қазіргі уақытта мұражайда тірек-қимыл аппаратының, буындардың анатомиясы және бас сүйектер коллекциясы бойынша 2800 астам экспонаттар, сондай-ақ жануарлардың қаңқалары бар. Бұл экспонаттар кафедра корифейлерімен мұражай құрылғаннан бастап қазіргі уақытқа дейін дайындалған. Экспонаттар адам ағзасының барлық жүйелерін көрнекі түрде көрсетеді және болашақ дәрігерлер үшін қажетті көрнекі құрал болып табылады. Биыл байламдары бар адамның 8 қаңқасы алынды. Студенттер кез-келген уақытта практикалық жұмыс үшін мұражайға бара алады. Сондай-ақ кәсіби бағдар аясында Қазақстанның түкпір-түкпірінен келген оқушыларға экскурсиялар тұрақты түрде өткізіліп тұрады.
2021 жылы стоматология бойынша бірегей практикалық дағдылар орталығы ашылды. Еліміздің бірде-бір медициналық білім ордасында баламасы жоқ заманауи талаптарға жауап беретін Симуляциялық орталық виртуалды шындық технологиясына негізделген бірегей стоматологиялық симуляторлар орнатылатын 4 жаңа сыныптармен жабдықталған. Стоматологиядағы практикалық дағдыларды үйренуге арналған тренажерлер – бұл шусыз компрессормен, стоматологиялық құралдардың толық жиынтығымен, көлеңкесіз шаммен, камерамен және басын көтеруге арналған электр жетегімен жабдықталған мобильді доңғалақты платформа.
