2016 жылғы 14 қазан күні ҚазҰМУ-да Қаз КСР  Еңбек сіңірген дәрігері, ҚР МҒА Құрметті академигі, м.ғ.д., С.Ж.Асфендияров атындағы ҚазҰМУ-дың профессоры Сүлейменов Арғын Арынұлының 100 жылдық мерейтойына арналған ғылыми-тәжірибелік конференция өтеді.

БАҒДАРЛАМА

Конференцияның өтетін күні мен уақыты: 2016 жылғы 14 қазан, сағат 10.00-12.00.

Өтетін орны:  С.Ж.Асфендияров атындағы ҚазҰМУ

10.00. Конференцияның ашылуы

Алғы сөз. Мұстафина Жанар Ғабиденқызы – ҚР Еңбек сіңірген дәрігері, м.ғ.д., профессор,  С.Ж.Асфендияров атындағы ҚазҰМУ ректорының кеңесшісі.

 «Ғалым және Азамат» – Ормантаев Камал Саруарұлы – медицина ғылымдарының докторы, профессор,  Қазақстанның еңбек сіңірген ғылым қайраткері, ҚР Ұлттық Ғылым академиясының академигі, Қазақстан Профилактикалық медицина академиясының вице-президенті, ҚР Мемлекеттік сыйлығының  лауреаты.

 «Арғын Арынұлы – Қазақстан Республикасының денсаулық сақтау  ісін ұйымдастырушы» – Үшбаев Кеңес Үшбайұлы – фармацевтика ғылымдарының докторы, профессор,  «Фармация» холдингінің президенті.

 «Менің алғашқы ұстазым» – Нұрмақов Аман Жамилұлы – медицина ғылымдарының докторы, С.Ж.Асфендияров атындағы ҚазҰМУ-дың профессоры, ҚР Еңбек сіңірген дәрігері.

«Дәрігер, ғалым, педагог» – Көкеев Тұрар Гарайұлы – медицина ғылымдарының докторы, С.Ж.Асфендияров атындағы ҚазҰМУ-дың интернатура және резидентура хирургиялық аурулар кафедрасының профессоры.

 «Арғын – ағай» – Көшекбаев Мақсұт Науметұлы –  медицина ғылымдарының кандидаты, С.Ж.Асфендияров атындағы ҚазҰМУ-дың жалпы хирургия кафедрасының доценті,  Руанда университетінің профессоры.

«Академик А.А. Сүлейменовтің ұлттық кадрларды даярлаудағы еңбегі мен үлесі» – Симтиков Жомарт Құдайбергенұлы –  политология ғылымдарының докторы,  Сорбонна- Қазақстан институты  халықаралық қатынастар кафедрасының меңгерушісі.

 «Қазақтың бетке ұстар бел баласы, профессор Арғын Арынұлы Сүлейментегі» – Тулеуов Калдан Тулеуұлы – медицина ғылымдарының докторы, С.Ж.Асфендияров атындағы ҚазҰМУ-дың хирургиялық стоматология кафедрасының профессоры.

 «Арғын Арынұлы –  ұлы тұлға, ғалым, педагог» – Нұрғожаев Еркін Смағұлұлы – медицина ғылымдарының докторы, профессор, С.Ж.Асфендияров атындағы ҚазҰМУ-дың жүйке аурулар кафедрасының меңгерушісі.

 12.00.  Кофе – брейк.

АҚПАРАТ

2016 жылы 15 қазанда  медицина ғылымдарының докторы, профессор А.А. Сүлейменовтың туғанына 100 жыл толады.  Ол  рабфакты бітіргеннен кейін, В. Молотов атындағы Қазақ мемлекеттік медицина институтына оқуға түседі. Институтты бітіргеннен кейін 7 жыл аудандық аурухананың бас дәрігері болып жұмыс істеген  Павлодар облысына  жіберіледі.

Аспирантурадан  кейін Қазақ мемлекеттік медицина университеті жалпы хирургия кафедрасына ассистент болып орналасады. А.А.Сүлейменов осы институтта жұмыс істеген 23 жыл ішінде ассистент, доцент, факультеттік хирургия кафедрасының  меңгерушісі және оқу ісі жөніндегі проректор болып жұмыс істеген.

Ол 1972 жылы  Онкология және радиология ғылыми-зерттеу институтының ғылым жөніндегі директорының орынбасары қызметіне ауыстырылды, ал бір жылдан кейін осы институттың директоры болып тағайындалды.

1982 жылы осы институтта сүт бездері аурулары кафедрасының меңгерушісі болып,  1991 жылы   демалысқа шығады.

Ол 200-ге жуық ғылыми мақалалар, 4 монография жариялады, оның жетекшілігімен 4 докторлық және 11 кандидаттық диссертация қорғалды.   А. А.Сүлейменов Бүкілодақтық онкологтар ғылыми қоғамының президиум мүшесі, Республикалық онкологтар қоғамының төрағасы, Қазақ КСР Денсаулық сақтау министрлігінің онкология мәселелері жөніндегі республикалық комиссиясының мүшесі, Қазақ кеңес энциклопедиясының редакциялық кеңесінің мүшесі, «Онкология мәселелері»  журналының редакциялық кеңесінің мүшесі болды.

Көп жылдық еңбегі мен қоғамдық қызметі үшін ол Қазақ  КСР Жоғарғы Кеңесінің «Құрмет» грамотасымен,  ДДҰ және ЮНИСЕФ Халықаралық конференцияны өткізуге қатысқаны үшін алғыстармен, Ұлы Отан соғысында ерен еңбегі үшін медальдер мен ордендермен,  «Денсаулық сақтау ісінің үздігі» төсбелгісімен марапатталды.