С.Ж.Асфендияров атындағы ҚазҰМУ-да  «Егіз-лебіз» ретро ән байқауы өтті

С.Ж.Асфендияров атындағы ҚазҰМУ-да 2019 жылдың  1-ші наурыз күні  Жастар саясаты басқармасы, Мәдени-шығармашылық жобаларды іске асыру тобының  ұйымдастыруымен  мәдениетті қолдау, ұжымдылықты дамыту мақсатында және Жастар жылына орай  «Егіз-лебіз» дуэт ән байқауының  бірінші кезеңі  өтті. Байқауға  университетіміздің  оқытушылары, қызметкерлері,  студенттері қатысты.  Ақпан айында дайындық жұмыстарын бастаған  «Егіз-лебіз»  ән байқауы  наурыз айының 29-шы жұлдызында 2-ші кезеңмен аяқталды.    Байқау екі кезеңнен тұрды.  Бірінші кезеңде  қазақтың ретро әндері, екінші кезеңде  әлемдік ретро әндер  орындалды. Байқауға қатысушылар жұмыстан,  сабақтан  бос уақыттарында дайындық жұмыстарын жүргізді.  Байқау өте  тартысты, қызықты  өтті. Қатысушылар ән  айтуда бір-бірінен асып түсіп жатты.  Әннің тақырыбына қарай өнерпаздар би, театрландырылған қойылым, костюмдер,  видеолар пайдаланды. Жалпы алғанда байқауға  11 жұп қатысты.  Байқау барысында  бір жұп жұмыс  бабымен іс-сапарға  барғандықтан  2 ші кезеңге қатыса алмады.  Байқауға қатысқан жұптарды  атап айтқанда:

1жұп Тілдік пәндер кафедрасының оқытушысы  Ботатаева Ұлжан Ақылтаевна,  Фармация мектебінің 1 курс студенті Шамуратова Гүлбану;

2 жұп  Биохимия кафедрасының оқытушысы Досымбекова Раушан Сарсембаевна,  Фармация мектебінің 2 курс студенті Шарапатдин Бағдат;

3 жұп  Тілдік пәндер кафедрасының оқытушысы  Кайбалдиева Балжан Манасовна,  Стоматология мектебінің 2 курс студенті Тыныштыққызы Гульнафис;

4 жұп  Оразаев Ернур Турсынұлы  Қоғамдық денсаулық сақтау мектебінің  тәрбие жұмысы бойынша  декан орынбасары, ҚДС  мектебінің 2 курс студенті  Раушан Айбек;

5 жұп Мухамедиева Гүлзада Миналовна Халықаралық медицина факультетінің тәрбие ісі бойынша декан орынбасары, Төлеубек Жасұлан ХМФ 4 курс студенті;

6 жұп  Ермекбаева Гүлзира Садубековна Тілдік пәндер кафедрасының оқытушысы,  Бабахан Сержан Жалпы медицина мектебінің 5 курс студенті;

7 жұп Садыкова Айнұр Мараловна  «Дерматовенерология курсымен жұқпалы аурулары» кафедрасының доценті,  Ишанкулова Лаура Фармция мектебінің 1 курс студенті;

8 жұп Насыров  Наджат  Исмаилович қосалқы топтағы  полковник, Әскери кафедрасының оқытушысы,  Бахытова Амина Стоматология мектебінің 1 курс студенті;

9 жұп Бердалиева Тамара Құндызбаевна Тілдік пәндер кафедрасының оқытушысы,   Амиров Қабдолла Жалпы медицина мектебінің 4 курс студенті;

10 жұп Мұқатай Үміт  Биохимия кафедрасының аға лаборанты,  Нұрахимқызы Жұлдыз ХМФ 1 курс студенті.

Сонымен қатар, 2-ші кезеңде жұмыс бабымен қатыса алмаған  11 жұп  Қаныбеков Асан Қаныбекұлы  «Жалпы хиругрия» кафедрасының доценті, ЖМ мектебінің 3 курс  Атымтай Асем.

Жалпы алғанда  өнарпаз қатысушылардың барлығы да өте жоғары деңгейде өнер көрсетті, ұпай сандары  жұптар арасында сәл ғана жетіспей тұрды.

Байқаудың қорытындысы бойынша  Бас жүлдені 8 жұп  Әскери кафедрасының оқытушысы Наджат  Исмаилович және 1 курс студенті  Бахытова Амина,

I-орынды  6 жұп   Тілдік пәндер кафедрасының оқытушысы Гүлзира Садубековна және 5 курс студенті Бабахан Сержан,

II-орынды   Халықаралық медицина факультетінің тәрбие ісі бойынша декан орынбасары  Гүлзада Миналовна мен ХМФ 4 курс студенті Төлеубек Жасұлан,

III-орынды  ҚДС мектебінің  тәрбие жұмысы бойынша  декан орынбасары Ернур Турсынұлы  мен ҚДС  мектебінің 2 курс студенті Раушан Айбек иемденді.

Қалған  қатысушылар номинация бойынша марапатталды.  Байқауға университет әкімшілігі,  ҚазҰМУ жергілікті жұмысшылар кәсіподағы демеушілік етті. Барлық қатысушыларға сыйлықтар мен дипломдар тапсырылып,  жүлделі орын алғандарға қосымша стеллалар тапсырылды.  Әділқазылар алқасына  өнер адамдары шақырылды.

Атап айтқанда,  Құрманғазы академиялық ұлттық аспаптар оркестрінің әншісі, ҚР Мәдениет қайраткері  Хайралиев Тимур, Т.Жүргенов атындағы ҚҰӨ академиясының доценті, ҚР Еңбек сіңірген қайраткері Төкеев Ерғалым Төлендіұлы, Халықаралық,  Республикалық байқаулардың лаураты Аубакирова Асем,

Республикалық байқаулардың лауреаты,  Жамбыл атындағы филармонияның   әншісі Кудабаева Индира, интернатураның 7 курс интерні, 2017 жылғы қалалық ЖОО арасында өткен «Жігіт сұлтаны»  байқауының жеңімпазы Рахмет Ермек болды.

Т.Жүргенов атындағы ҚҰӨ академиясы және С.Ж.Асфендияров атындағы ҚазҰМУ арасында биылғы жылы достық меморандумы қайта ұзартылып жаңартылған болатын. Сол орайда, өнер академиясының  студенттері  байқауда жүргізушілік қызметін атқарды.  Университеттен  Жалпы медицина мектебінің 1 курс студенті Әбдіқалық Азамат жүргізуші болды.  Көрермен ретінде университетіміздің барлық мектептері мен факультеттері қатысты.      Ұйымдастыру жұмысында ерекше  қызмет жасаған  Мәдени-шығармашылық жобаларды іске асыру тобының жетекшісі Апсаттарова  Салтанат, Бас маман Алдамжарова Амина, вокалдан жетекшілік еткен Отарбаев Хамит,  режиссер Джунисов Қуандық, дыбыс режиссері Жақайбеков Бауыржан,  көмекшісі Қазыхан Жамбыл және қосымша көмек көрсеткен Тілдік пәндер кафедрасының  меңгерушісі А.Т.Бактыбаева және осы кафедра оқытушысы Г.Б.Киякова, Ақпараттық технологиялар департаменті, Стоматология мектебінің 2 курс студенті Мәдібек Біржан болды.

Жалпы номинация бойынша «Үздік көрермен» Әскери кафедрасының оқытушылары  мен курсанттары,

«Үздік өнерлі факультет» номинациясын Халықаралық медицина факультеті, байқауға ерекше көп оқытушыларды қатыстырған  «Тілдік пәндер»  кафедрасының ұжымына   алғыс хат  тапсырылды.

Сонымен қатар, көрермен ретінде қатысқан  барлық мектептер мен факультеттер атына алғыс хат берілді.

Университетімізде мәдени іс-шараларды қолдау,  ұжымдылықты дамыту, Жастар жылына орай ұйымдастырылған «Егіз-лебіз»  байқауының өткізілуіне жан-жақты қолдау көрсеткен оқытушылар, қызметкерлер, студенттер, деканаттар, кафедралар,  ҚазҰМУ жергілікті жұмысшылар кәсіподағына зор алғысымызды  білдіреміз.

Өнер, мәдени жобалар, мерекелік іс-шаралар ұжым қызметкерлерінің   басын біріктіріп, бір мақсатта жұмыс жасауға және бір-бірімен  жақын танысып, білісуге  септігін тигізеді.

Ойымызды аяқтай келе,  барша университет ұжымына еңбекте  табыс, сәттілік тілейміз.

Дайындаған: Мәдени-шығармашылық

жобаларды іске асыру тобының жетекшісі

С.А.Апсаттарова