С.Ж. Асфендияров атындағы ҚазҰМУ мен Құрлық әскерлері Әскери институты ынтымақтастық туралы меморандум жасады
2017 жылдың 2 тамызында С.Ж. Асфендияров атындағы Қазақ Ұлттық медицина университетінің ректоры Талғат Сейтжанұлы Нұргожин және Қазақстан Республикасы Қорғаныс министрлігі «Құрлық әскерлері Әскери институты» Республикалық мемлекеттік мекемесінің басшысы Серік Досбергенұлы Асанов ынтымақтастық туралы меморандум жасады.
Меморандум аясында С.Ж. Асфендияров атындағы ҚазҰМУ-дың базасында Құрлық әскерлері Әскери институтының курсанттары қатарынан қоғамдық денсаулық сақтау саласындағы мамандарды даярлауға келісімшарт жасау жоспарланып отыр.
«Әскери істегі логистика» білім беру бағдарламасының бітірушісінің біліктілік сипаттамасына әскери денсаулық сақтау және әскери іс саласындағы маманның жаңа моделін қалыптастыруға мүмкіндік беретін, қоғамдық денсаулық туралы құзыреттілік қосылады.
Мамандарды даярлау моделінің ұсынысы – медициналық қамтамасыз етуді ұйымдастырушылар әскери денсаулық сақтаудың дамыуына жаңа шабыт береді.
