«Студенттік өмір – алтын дәуір» кураторлық сағаты
15 қараша күні С.Д.Асфендияров атындағы Қазақ Ұлттық Медицина университетінің Химия кафедрасында ФӨТ23-015, ФӨТ23-016 және ЖМ24-013, ЖМ24-014 топтарына студенттер күніне арналған «Студенттік өмір – алтын дәуір» атты кураторлық сағаты өткізілді. Кураторлық сағатты топ кураторлары Кункожаева Г.К., Бегимова Г.У. құттықтауымен басталды.
Кураторлық сағат барысында студенттер күнінің тарихымен таныстырылды. Сонымен қатар университет қабырғасында студенттер арасындағы қарым-қатынас, оқытушыларға деген сыйластық, білім жолындағы қиыншылықтар мен қызықтар, қоғамдық іс-шаралароға қатысу мәселелері қарастырылды.
Аталған кураторлық сағат С.Д.Асфендияров ат. ҚазҰМУ студенттерінің үздік дәстүрлерін дамыту және сақтау, тұлғааралық және ұлтаралық қарым-қатынас мәдениеті, толеранттылық, ұжымда жұмыс істей білу, салауатты өмір салтын қалыптастыру қажеттіліктері мен дағдыларын жетілдіреді.
