«Таза Қазақстан – 2026» бастамасы аясында «Эко-челлендждер» және ақпараттық акция өткізілді
Біріккен Ұлттар Ұйымының №12 Тұрақты даму мақсаты – «Жауапты тұтыну және өндіріс» қағидаттарын іске асыру, сондай-ақ отбасы институтын нығайтуға, ұрпақ сабақтастығын қамтамасыз етуге және қазақстандық қоғамның рухани-адамгершілік құндылықтарын дамытуға бағытталған тәрбиелік жұмыстар шеңберінде С.Ж. Асфендияров атындағы Қазақ ұлттық медицина университетінің Х. Досмұхамедов атындағы Қоғамдық денсаулық сақтау мектебінде кешенді экологиялық және әлеуметтік-тәрбиелік бастама жүзеге асырылды. Аталған іс-шараға «Медико-профилактикалық іс» білім беру бағдарламасының 3-курс студенттері мен «Қоғамдық денсаулық сақтау» мамандығының 4-курс студенттері белсенді қатысты.
Іс-шара пәнаралық сипатқа ие болып, білім алушыларда отбасылық құндылықтар, қоғамдық денсаулық сақтау, тұрақты даму және экологиялық қауіпсіздік арасындағы өзара байланысты кешенді түсінуді қалыптастыруға бағытталды.
Өткізілген бастама сондай-ақ «Наурызнама» онкүндігі аясында ұйымдастырылып, 23 наурыз — «Тазару күніне» арналды. Бұл оның экологиялық және рухани-адамгершілік бағыттылығын одан әрі айқындап, жаңару, қоршаған ортаға ұқыпты қарау, сондай-ақ қоғамда тазалық пен жауапкершілік мәдениетін қалыптастырудың символдық маңызын көрсетті.
Бастама аясында студенттер жоғары әлеуметтік жауапкершілік пен азаматтық белсенділік танытып, макулатура, пластикалық қалдықтар және пайдаланылған киімдерді жинау бойынша акция ұйымдастырды.
Жиналған заттар ресурстарды тұрақты басқару қағидаттарына сәйкес тиімді түрде бөлінді. Киімдердің бір бөлігі әлеуметтік осал топтарды қолдау мақсатында қайырымдылық ұйымдарына табысталса, екінші бөлігі қайта өңдеуге және қайта пайдалануға арналған арнайы «Екінші өмір» жәшіктеріне тапсырылды.
Макулатура мен пластикалық бөтелкелер қайта өңдеуге жіберілді. Екіншілік шикізатты тапсыру нәтижесінде түскен қаржылай қаражат студенттер мен ұйымдастырушылардың бастамасымен қайырымдылық мақсаттарға бағытталатын болды. Бұл өз кезегінде болашақ қоғамдық денсаулық сақтау мамандары арасында әлеуметтік ынтымақтастық, гуманизм және филантропия мәдениетін қалыптастыруға ықпал етеді.
Аталған бастама қоршаған ортаға түсетін антропогендік жүктемені төмендету, ресурстарды ұтымды пайдалану және жастар арасында экологиялық жауапты мінез-құлық үлгілерін қалыптастыруға бағытталған БҰҰ-ның №12 Тұрақты даму мақсатының міндеттеріне толық сәйкес келеді.
Іс-шараның тәрбиелік әлеуеті студенттерде:
- экологиялық сауаттылық пен тұрақты мінез-құлық мәдениетін
- әлеуметтік эмпатия мен қайырымдылыққа дайындықты
- халық денсаулығына әсер ететін экологиялық тәуекелдердің алдын алу маңызын түсінуді
- отбасы институтына қоғамның негізгі әлеуметтік бірлігі ретінде құндылықтық қатынасты
- ұжымдық бастама мен қоғамдық көшбасшылық дағдыларын
қалыптастыру арқылы айқын көрініс тапты.
Осылайша, өткізілген акция Public Health тәсілдерін тәжірибеде іске асыруға, тәрбиелік жұмысты кәсіби даярлықпен ұштастыруға, сондай-ақ тұрақты даму мен халық денсаулығын нығайтуға бағытталған құзыреттерді қалыптастыруға тиімді алаң болды.
Қоғамдық денсаулық сақтау мектебінің студенттері жоғары мотивация, әлеуметтік белсенділік және маңызды қоғамдық бастамаларға қатысуға дайындық танытты.
Іс-шараға Алматы қаласы әкімдігінің өкілі — Алматы қаласы Ішкі саясат басқармасының Қоғаммен және ғылыми-білім беру ортасымен өзара іс-қимыл жөніндегі бөлімінің басшысы Қасыметова Бақытгүл Техниковна қатысты.
Оның қатысуы бастаманың маңыздылығын арттырып, тұрақты даму, экологиялық мәдениет және жастар арасында әлеуметтік жауапкершілікті қалыптастыру бағытында білім беру ұйымдары мен мемлекеттік құрылымдардың күш-жігерін біріктірудің маңызын айқындады.
Ұйымдастырушылары:
Бейсенбинова Ж.Б. – ҚДСМ мектебінің аға эдвайзері,
Қожахметова А.Н. – Т.Ш.Шарманов атындағы Нутрициология кафедрасының тәрбие жұмысына жауапты оқытушысы,
Құсайынова Э.И. – Қоғамдық денсаулық сақтау кафедрасының тәрбие жұмысына жауапты оқытушысы.
Текманова А.К. – Қоғамдық денсаулық сақтау кафедрасының қауымдастырылған профессоры.
Айтманбетова А.А. – Қоғамдық денсаулық сақтау кафедрасының қауымдастырылған профессоры.
Іс-шараға «Медико-профилактикалық іс» білім беру бағдарламасының 3-курс студенттері (1–3 топтар), сондай-ақ «Қоғамдық денсаулық сақтау» білім беру бағдарламасының 4-курс студенттері (2–3 топтар) қатысты.
Іс-шараның қорытындысында ұйымдастырушылар барлық білім алушыларды, профессорлық-оқытушылық құрамды және университет қызметкерлерін экологиялық мәдениетті қалыптастыруға, қоршаған ортаға жауапкершілікпен қарауға және тұрақты даму қағидаттарын ілгерілетуге бағытталған «Таза Қазақстан – 2026» республикалық акциясын белсенді қолдауға шақырды.
Аталған бастама аясында қатысушылар қоршаған ортаның тазалығын сақтау, ресурстарды ұтымды пайдалану және экологиялық жауапты мінез-құлық мәдениетін қалыптастыру ісінде күш-жігерді біріктірудің маңыздылығын атап өтіп, эко-челленджді университеттің басқа кафедралары мен білім беру бөлімшелеріне жолдады.
