Университеттің Студенттік Үкіметі «Студенттік ұйымдар жәрмеңкесін» өткізді

7 қазан күні сағат 14:00 мен 16:00 аралығында Мәңгілік ел алаңында (А.Ақанов атындағы Бас ғимараттың алдында) Университеттің Студенттік Үкіметінің ұйымдастыруымен дәстүрлі «Студенттік ұйымдар жәрмеңкесі» өткізілді. Биылғы жылғы жәрмеңке ерекшелігі, Open air форматында өткізілгені және университет басшылығының қатысуы болды. Жалпы саны 600-дей 1 курс студенттері университетіміздің 27 студенттік ұйымының барлығымен танысты. Студенттермен қатар, бұл жәрмеңкеге университет ректоры, профессор Нурғожин Талғат Сейітжанұлы, тәрбие жұмысы, әлеуметтік сұрақтар және халықаралық ынтымақтастық бойынша проректор Датхаев Убайдулла Махамбетұлы, ректор кеңесшісі Мұстафина Жанар Ғабиденқызы, Ардагерлер кеңесінің төрайымы Беклемишова Наталья Иннакентевьена және Студенттермен жұмыс жөніндегі басқарма басшысы Шыңғысбаев Лескен Сейдіғалымұлы қатысты. Жәрмеңкенің ең белсенді 3 студенті Университеттің Студенттік Үкіметінің атынан, төраға Солтанай Жәнібек және төраға орынбасары Тілеубек Нұридін сыйлықтар табысталды.