«Фарммаршрут: молекуладан дәріге дейін – денсаулық коды» атты халықаралық қатысуымен өткен I аймақаралық олимпиада
2025 жылы 31 қазанда Ресей Федерациясының Санкт-Петербург мемлекеттік химия-фармацевтика университетінде «Фарммаршрут: молекуладан дәріге дейін – денсаулық коды» атты халықаралық қатысуымен өткен I аймақаралық олимпиада өтті. Бұл байқауға ТМД елдерінің жетекші фармацевтикалық жоғары оқу орындарының студенттері қатысты.
С.Ж. Асфендияров атындағы Қазақ ұлттық медицина университетінің Фармация мектебі командасы университет намысын абыроймен қорғап, кәсіби дайындықтың жоғары деңгейін, креативтілік пен фармация саласындағы құзыреттілікті көрсетті. Олимпиада қорытындысы бойынша команда «Үздік Фармэксперт» номинациясында І орын және командалық есепте ІІІ орын иеленді.
Команда құрамы:
- Мусаева Ажар, 5-курс студенті (ФА21-004р тобы, «Фармация» БББ, GPA 3.35) – студенттердің ғылыми-зерттеу жұмысына белсенді қатысушы, жауапкершілігі мен бастамашылдығымен ерекшеленді.
- Куламетова Камилла, 5-курс студенті (ФА21-004р тобы, «Фармация» БББ, GPA 3.21) – кәсіби даярлықтың жоғары деңгейі мен инновациялық тәсілі үшін лауреат дипломымен марапатталды.
- Асилхан Жансая Ермекқызы, 4-курс студенті (ФА22-03р тобы, «Фармация» БББ, GPA 3.0) – аналитикалық ойлау қабілеті мен фармацевтикалық зерттеулерге қызығушылық танытты.
Студенттердің бұл жетістігі жүйелі дайындықтың, терең білім мен кәсіби жетілдіруге деген ұмтылыстың нәтижесі болды. «Үздік Фармэксперт» номинациясындағы жеңіс оқу процесінің тәжірибеге бағытталғандығын және КазҰМУ студенттерінің фармацевтикалық саланың заманауи міндеттерін шешуге дайын екендігін көрсетті.
Университетте студенттердің ғылыми-зерттеу жұмысына (СҒЗЖ) ерекше көңіл бөлінеді, ол болашақ мамандарды кәсіби даярлаудың маңызды бағыты болып табылады. Олимпиадаларға қатысу аналитикалық ойлауды, инновациялық көзқарасты және кәсіби құзыреттілікті дамытуға ықпал етеді.
Команданы дайындау Фармация мектебінің деканатының жетекшілігімен өтті: декан Сакипова З.Б., Фармацияны ұйымдастыру, басқару және экономикасы және клиникалық фармация кафедрасының меңгерушісі Жакипбеков К.С., Фармация мектебі СҒЗЖ жетекшісі Рахымбаев Н.А., сондай-ақ тәлімгерлер – ББ «Фармация» жетекшісі Тлеубаева М.И., Раганина К.Т. және Ан В.С.
Команданың бұл жетістігі Фармация мектебі үшін маңызды оқиға болып, университеттің студенттік ғылымды дамытуға, белсенді студенттерді конкурстық қызметке тартуға және фармацевтикалық сала үшін бәсекеге қабілетті мамандар даярлауға бағытталған стратегиялық бағытын растады.
