ҚазҰМУ-да жаңа жылдық балалар шыршасы өтті
Бүгін С.Асфендияров атындағы Қазақ ұлттық медицина университетінің Concordia залында ҚазҰМУ қызметкерлерінің жергілікті кәсіподақ ұйымының ұйымдастыруымен «Жаңа жылдық балалар шыршасы» өтті.
Университетіміздің Басқарма төрағасы-ректоры Марат Шоранов: «Бүгін біздің балаларға Қуыршақ театрының ұсынуымен кішігірім жаңа жылдық іс-шара ұйымдастырдық. ҚазҰМУ қабырғасында жұмыс істейтін барша қызметкерлеріміздің баласына мерекелік қуаныш, жаңа жылдық сыйлықтар табыстауға қуаныштымыз!» – деп атап өтті.
Алматы қалалық қуыршақ театры «Африка еліндегі жаңа жыл» атты ойын-сауық спектаклін кішкентай көрермендерге тарту етті. Балалар ерекше қуанып, ойын-сауық шарасына белсенді ат салысты. ҚазҰМУ қызметкерлерінің жергілікті кәсіподақ ұйымы барлық балаға жаңа жылдық сыйлықтар табыстады.
