ҚазҰМУ делегациясы Mindray компаниясында
Халықаралық ынтымақтастықты дамыту шеңберінде С.Ж. Асфендияров атындағы Қазақ ұлттық медицина университетінің (ҚазҰМУ) бірінші проректор басқарған делегациясы медициналық жабдықтар мен технологиялар саласындағы әлемдегі жетекші өндірушілердің бірі — Mindray компаниясына барды.
Келіссөздер барысында университет өкілдері компанияның медициналық диагностика, науқастарды бақылау және зертханалық жабдықтар саласындағы заманауи әзірлемелерімен танысты. Медициналық қызметтер сапасын арттыруға және медициналық жоғары оқу орындарындағы оқу үдерісінің тиімділігін жақсартуға бағытталған инновациялық шешімдерге ерекше назар аударылды.
Тараптар екіжақты ынтымақтастықтың болашағын талқылады, атап айтқанда:
- оқу үдерісіне озық технологияларды енгізу;
- ғылыми-зерттеу жобаларын дамыту;
- оқытушылар мен студенттер үшін тағылымдама және біліктілікті арттыру курстарын ұйымдастыру;
- бірлескен білім беру бастамаларына қатысу.
Mindray өкілдері ҚазҰМУ-мен әріптестікті нығайтуға және Қазақстандағы медициналық білім мен денсаулық сақтауды дамытуға бағытталған бастамаларды қолдауға мүдделілігін білдірді.
Кездесу қорытындысы бойынша тараптар өзара іс-қимылдың нақты механизмдерін әзірлеу үшін диалогты жалғастыру ниетін растады.
