ҚазҰМУ мен Қазақстан студенттерінің альянсы ынтымақтастық жөнінде меморандумға қол қойды

2020 жылдың 12 қазанында «С.Ж.Асфендияров атындағы ҚазҰМУ» КеАҚ басқарма төрағасы-ректор Т.С.Нұрғожин мен «Қазақстан студенттері альянсы» республикалық студенттік қозғалысы» президенті Түстікбаев И.Н. ҚБ арасында білім беру бағытында ынтымақтастық жөнінде меморандумға қол қойылды. Ынтымақтастықтың негізгі бағыттары: мамандарды (білім алушыларды) даярлаудың, қайта даярлаудың және олардың біліктілігін арттырудың жоғары сапасын қамтамасыз ету мақсатында ұйымдар арасында әріптестік өзара қарым-қатынас орнату, білім беру сапасын қамтамасыз ету саласында ашықтық (айқындық) және объективтілік деңгейін арттыру болып табылады. Меморандумды жүзеге асыру жоспарын талқылау үшін корпоративтік даму бойынша проректор У.М.Датхаев, жастар саясаты басқармасының басшысы Е.А.Асқаров, студенттік үкімет төрағасы Д.Тұрдықұлмен кездесу өткізілді. Кездесу соңында оқу аудиториялары, анатомиялық мұражай және университет ғимараттарына экскурсия ұйымдастырылды.