ҚазҰМУ ректоры Талғат Нұрғожиннің жаңажылдық құттықтауы
Құрметті әріптестер, достар, университетіміздің студенттері мен оқытушылары! Мінекей, 2020 жылды да өткердік, санаулы күндерден соң Жаңа 2021 жыл табалдырығымыздан аттайды. Биылғы жыл бәрімізге оңай соқпады, бүкіл әлем болып үлкен өзгерістерді бастан кешіп отырмыз. Көптеген қайғылы оқиғалар болды, індет қаншама азаматтарымызды ортамыздан алып кетті. Қоғам денсаулық сақтау қызметі, дәрігерлердің қажеттігін жете түсінгендей. Пандемияның алғашқы күнінен бері медицина қызметкерлері, дәрігерлеріміз аянбай қызмет етуде. Бұл індетпен алдыңғы шепте күресіп жүрген ақ халатты абзал жандардың ерлігін сөзбен жеткізу қиынға соғар. Бүгінгі күннің батырлары – солар. Жауапкершілігі үлкен, атқаратын қызметі ауқымды дәрігерлер біздің денсаулығымыздың сақшылары.
Сонымен бірге, 2020 жыл жемісті жұмысқа, білім беру және ғылыми саладағы үлкен жетістіктерге толы кезең болды. Біз онлайн білім беруге сәтті ауысып, тәжірибе жинақтаушы дәрігерлерге көмектестік. Волонтер жылында ҚазҰМУ өзін лайықты көрсете білді, біздің студенттер мен оқытушылар тыңғылықты жұмыс атқарды.
Дәрігерлердің жаңа буынын дайындау бойынша біздің қажырлы еңбегіміз қоғам үшін аса маңызды болып отыр. Тек ең үздік және лайықтысы дәрігер болу құқығына ие болады. Ғылым, білім, емдеу процесі және басқарудағы кәсібилік. Қоғам алдындағы ашықтық, жаңа өзгерістерге дайындық, үнемі алға жылжу және нақты нәтижеге ұмтылыс — осы нәрселер бізді өзге оқу орындарынан ерекшелендіреді.
Біздің тынымсыз және жемісті еңбегіміз, жетекші университет мәртебесін растауға деген ұмтылысымыз бізге күрделі сынақтарды жеңіп, алға жылжуға тағы да көмектесті. Өз ісіне адал болып, қажырлы еңбек етіп, еліміздің медицинасы мен ғылымның дамуына қосқан зор үлестеріңізге өз алғысымды білдіремін. Біз өзіміздің 90 жылдық мерейтойымызды лайықты қарсы алып, бүкіл әлемге еліміздің медицинасы бұл уақытта қандай жетістіктерге жеткенін көрсете білдік.
Жаңа жылда барлығымызға күш-қуат, денсаулық, жақындарымызға амандық тілеймін. Барлық қиындықтар мен қиыншылықтар артта қалсын. Жаңа 2021 жыл ең батыл ойларды жүзеге асыратын жыл болсын! Келесі жылы еліміз жағымды жаңалық пен қуанышты сәттерге кенеле берсін! Жаңа жыл баршамызға, әр отбасыға бақ-береке әкелсін!
