С.Ж.Асфендияров атындағы ҚазҰМУ баршаңызды Жаңа жыл мерекесіне белсенді қатысуына шақырады
Күнтізбеде желтоқсан айы, яғни ең мерейімді мереке – Жаңа жыл жақындап келеді. С.Ж.Асфендияров атындағы ҚазҰМУ қызықты бағдарлама жоспарланған. Баршаңызды Жаңа жыл мерекесіне белсенді қатысуға шақырамыз!
23 желтоқсан күні сағат 15.00-де «Concordia» театрында басты кейіпкерлер – Аяз Ата мен Ақшақардың қатысуымен Жаңа жылдық шоу-бағдарлама өтеді! Бағдарламаға әр құрылымдық бөлімшелердің қызметкерлері жаңа жылдық ертегілермен, әндермен қатысады.
Іс-шараға қатысушылар үшін үздік музыкалық нөмір және үздік костюм үшін сыйлықтар қарастырылған!
Университет ауласында мереке жалғасады. Онда қол ұстасып шыршаның айналасында би билейміз және мерекелік отшашу болады!
Ал келесі күні 24 желтоқсанда сағат 12.30-да ректор Марат Шоранов университет қызметкерлерінің балаларын жаңа жылдық шыршаға Ғ.Мүсірепов атындығы ТЮЗ театрына шақырады.
Мерекелік бағдарламада «Ғажайып шырша» Жаңа жылдық қойылымы , Аяз Ата мен Ақшақармен кездесу, сондай-ақ балаларға арналған сыйлықтар болады.
20 желтоқсаннан бастап кәсіподақтың барлық қызметкерлеріне 10 жасқа дейінгі балаларға (қоса алғанда) жаңа жылдық сыйлықтар беріледі.
Жаңа жыл құтты болсын, құрметті әріптестер!
