ҚазҰМУ студент жастары Асылы Осман Әлиқызымен кездесті
2018 жылдың 19 қазан күні сағат 15.00-де ҚазҰМУ-нің «Даңқ Залында» Қазақстан Республикасының қоғам қайраткері, Қазақстандық ғалым, Филология ғылымының докторы, профессор, «Парасат ордені» нің және «Тіл жанашыры» құрмет белгісінің иегері Асылы Осман Алиқызымен студент жастар арасындағы сыр-сұхбат форматында кездесу өткізілді. Кездесуге Университетіміздің Этикалық Кеңесінің Төрайымы, медицина ғылымдарының докторы, профессор Ж.Ғ.Мұстафина қонақта болып, студент жастардың тілге, қазақ халқына деген, ақын-жазушыларымыздың елге құрмет көрсетіп, тілімізді қазақ екенімізді құрмет тұтуға жетерлік құндылықтарымызды бағалауымыз керек екендігіміз туралы өнеге сөздерді айтып өтті. Кездесу студент жастардың сұрақтарымен, ой бөлісу сәттерімен өте қызықты өтті. Атап айтсақ, Фармация мектебінің 1-курс студенттері: Тұралы Тұрғаналы, Төкежан Шынар Жомартқызы, Юсупова Аружан, Стоматология мектебінің 1-курс студенттері Амалбай Мәншүк, Төлеуханова Кәмила, Хен Яна және т.б. студенттер өз ойларын жеткізді.
Сонымен қатар, кездесудің студенттеріміздің бойындағы патиоттық сезімін оятқан сәттің бірі Асылы Әлиқызының қазақ ойшылдары мен ақын жазушыларының шығармаларын жатқа айтып, М.Әуезовтың «Абай жолы» кітабы, М.Жұмабаевтың, М.Дулатовтың өлеңдерінен үзінділер оқып, Елбасымыз Н.Ә.Назарбаевтың салиқалы саясаты туралы, Қазақстан жастарына арналған бастамалары, Қазақстан Халқына «Болашаққа бағдар: Рухани жаңғыру», «Қазақстандықтардың әл-ауқатының өсуі: табыс пен тұрмыс сапасын арттыру» атты Жолдауларының берер мүмкіндіктері туралы да айтып өтті.
