ҚазҰМУ қызметкерлері «Басшыларға арналған білім беру ұйымын басқару» бағдарламасы бойынша оқудан өтуде

2025 жылдың 6–10 қазаны аралығында С.Ж. Асфендияров атындағы Қазақ ұлттық медицина университетінің қызметкерлері «Басшыларға арналған білім беру ұйымын басқару» атты семинар-тренингке қатысуда.

Бағдарламаның мақсаты – жоғары оқу орындары басшыларының басқарушылық құзыреттерін дамыту және білім беру саласындағы көшбасшылық тиімділігін арттыру.

Оқыту үдерісін Сертификаттау академиясының кәсіби тренер-модераторлары жүргізуде:

• Ерешев Бауыржан Тұрсынбекұлы – ҚР ҰҒА академигі, экономика ғылымдарының докторы, КАУП асессоры, Certified Project Director – IPMA Level A, PRINCE-2;

• Әбіл Ерлан Қуанышұлы – «Қорқыт Ата атындағы Қызылорда университеті» КЕАҚ директорлар кеңесінің төрағасы, экономика ғылымдарының кандидаты, IPMA-A, PRINCE2 Practitioner, ISO 21502, ISO 30400 сарапшысы;

• Құсайынова Райхан – ересектерді оқыту жөніндегі сертификатталған бағдарлама бойынша бизнес-тренер, Certified Project Director – IPMA Level B, PRINCE-2.

Семинар бағдарламасы төмендегі негізгі бағыттарды қамтиды:

• Білім берудегі стратегиялық менеджмент;

• Жасанды интеллект құралдарын қолдану;

• Университеттің проактивті басшысы;

• Білім беру ұйымын басқарудағы жобалық менеджмент.

Семинар барысында қатысушылар заманауи басқару тәсілдері мен білім беру процесін цифрландыру тетіктерін меңгеріп қана қоймай, университеттік ортада инновацияларды енгізу тәжірибесімен де бөліседі.

Оқу соңында барлық тыңдаушыларға Сертификаттау академиясының арнайы сертификаттары табысталады.